Bi tevlîbûna Hevseroka Giştî ya Partiya Demokratîk a Gelan (HDP) Pervîn Buldan, Siyasetmedarê Kurd Ahmet Turk, parlamenterên Partiya Pêşerojê ya ÇepênKesk (Partiya Çepên Kesk), Tevgera Jinên Azad (TJA), rêxistinên navçeyên Sûr û Yenîşehîrê û gelek kesan ve li Sûrê serdana esnafan pêk hat.
Şandeya ku li Qada Şex Saîd kom bûn, ji vir heta Ceza Melîk Ahmet serdana esnafan kir. Di dema serdanê de welatiyan eleqeyek mezin nîşanê şandeyê da û welatiyan bi Pervîn Buldan re wêne kişand. Di dema serdanê de hin welatiyan anîn ziman ku ew vê têkoşînê bi salan in didin û hin welatiyan jî peyama “Di hilbijartinê de teqez bi ser kevin” dan.
Her wiha serdanê de welatiyan çepikan dan û dirûşmeya “Jin, Jiyan, Azadî” berz kirin û bername piştre bi dawî bû.
Li Rêzanê serdana esnafan
Bi tevlîbûna Siyasetmedarê Kurd Ahmet Turk, Parlamenterên Partiya Çepên Kesk û rêxistinên HDP û Partiya Çepên Kesk li navçeya Rêzanê jî serdana esnafan pêk hat û li vir jî welatiyan eleqeyek mezin nîşanê şandeyê da.
