Artêşa Iraqî 20ê gulane ra kena ke pê têlan û kuleyan derûdorê Kampa Multecîyan a Mexmûrî bîgêro. Artêşa Iraqî bi seyan leşkerî, wesayîtê zirxinî û makîneyê karî derûdorê kampe de ca kerdî.

Rixmo ke pêvînayîşan de selahîyetdaranê Iraqî soz dayî, leşkerê Iraqî cehd kenê ke  derûdorê kampe de hendekan bikenenê, têlan biancê û kuleyan ronê. Vera nê 8 rojî yo hewtî ra heta hewtayî şarê Mexmûrî xeyman de nobete tepişeno.

Tewr peynî de 25ê gulane de artêşa Iraqî kerd ke cayanê stratejîkan ê derûdorê kampe de leşkeranê o ca bikero û hendekan bikeno. Şarê Mexmûrî bi destanê xo newe ra herre kerd nê hendekan. Xoverdayîşê şarê Mexmûrî xeyman de dewam keno. Şaro ke xeymanê nobete de maneno aktîvîteyanê cîya cîyayan keno. MEXMÛR