Hemserekanê Pêroyîyan ê HDPyî Pervîn Buldane seba turê diyînî yê weçînayîşê serekkomarîye raya xo daye.
Hemsereke Pervîne zî qezaya Bakirkoyî ya Stenbolî de Dibistana Metîn Kolukî de raye daye. Wekîle Zuleyha Gulum û Hemsereka HDPyî ya Stenbolî Îlknur Bîrole zî Buldane de şîyî sindoqe ser. Buldane dima ke raya xo daye eşkerayîye daye û vat: “Ez hêvî kena ke netîceya ewroyîne do biba wesîleya demokrasî, haştî, rehetî û aramîye. Rayêke zî eşkera her çî bivurna. Coka wa şarê ma şoro sindoqan ser.” STENBOL
