Di bin desthilatdariya AKP’ê ya qaşo misilman de li Tirkiyeyê bikaranîna madeyên hişbir zêde dibe. Tirkiye di Rapora Ava Qirêj a Ewropayê ya 2022’yan a EMCDDA’yê de cih girt. Di raporê de hat destnîşankirin ku bikaranîna metanfetamîn ku di demên dawî de herî zêde tê bikaranîn, li Stenbol û Edeneyê zêde bûye.
Di raporê de bi grafîkan tê diyarkirin ku bikaranîna metanfetamîn li Tirkiye, Belçîka, Qibris, rojhilatê Almanyayê, Spanya û Danîmarkayê, Fînlandiya, Lîtvanya û Norveçê zêde bûye.
Sala 2021 û 2022’yan di lêkolînên li ser avên qirêj hatin kirin de, bikaranîna amfetamîn û metanfetamîn li Tirkiyeyê di nava salan de zêde bûye û hat diyarkirin ku di nava welatên ku herî zêde lê tê bikaranîn de cihê xwe girtiye.
Li 60 welatên ku bikaranîna metamfetamîn di navbera sala 2021-2022’yan de lê zêde bûye, Çekya, Letonya, Almanya û Qibris e.
