Perey saete 02.00 de 2 terefgîranê AKPyî yê faşîstan bi kerrayan hêrişê bînaya Rêxistina HDPyî ya Înegolî ya Bursa kerd. Dîmenan de dîyeno ke hêrişker bi kerrayan hêrişê camanê bîna kenê û destê înan de posterê Erdoganî est ê.
Partîya Demokratîke ya Şaran (HDP) Înegolî derheqê serebûtî de eşkerayîyêke daye. Hemserek û îdarekarê qeza tewrê eşkerayîye bîyî.
Hemsereka HDPyî ya Înegolî Îpeke Akman îfade kerd ke ê do vera zorbazî û çimtersnayîşî xo ver bidê. Akmane vat: ”Ma bi nê hêrişî şaş nêmendî. Ma nêtersayî. Ma bi îradeyê şarî ameyê. Ma do heta peynî têkoşîn bikerê.” BURSA
