Koordînasyonê KJKyî derheqê weçînayîşê serekkomarîye yê 28ê gulane de eşkerayîyêke daye. Eşkerayîye wina ya:
”Tirkîya de weçînayîşê wekîlîye û serekkomarîye qedîyayî. Nê weçînayîşî serrgêra 100. ya Peymana Lozanî de ameyî kerdene û serê esasê amadekarîya temamkerdişê Komployê Mîyanneteweyî bi. Prosesê weçînayîşan de 2021-2022 de vera Rayberê ma, şarê ma, cinî, ciwan, hêzanê demokrasî û gerîlayan hêrişê tewr barbarî û îlegalî ameyî kerdene. Vera gerîlayan çekê kîmyewî şuxilîyayî û hêzanê mîyanneteweyîyan pê bêvengîya serê ney girewt. Serrgêra Peymana Lozanî de dewleta tirke armanc kerd ke têgêrayîşê azadîye bi temamî tasfîye bikera. La Rayberîya ma, cinîyan, şarê ma û gerîlayan vera nê hêrişan bi heybetî xo ver da û hêrişî pûç kerdî. Weçînayîşan de zî şarê ma rixmê polîtîkayanê şerê taybetî xo ver da. Ma her çî ra ver xoverdayîş û tewirê azadîye yê şarê ma bi rêzî selam kenê.
Rejîmê AKP-MHPyî yê faşîstî vera cinîyan şer dayo destpêkerdene û xîret keno ke waranê cinîyan vila bikero. La demokratîkbîyayîş de babeta sereke cinî yê. Cinîyan bi têkoşînê xo vera polîtîkayanê seksîstan ê AKP-MHPyî prosesê weçînayîşî de hêvî û kelecanêko pîl aferna. Ma pêro cinîyanê ke bi şîarê ‘Jin, Jiyan, Azadî’ tewrê weçînayîşî bîyê selam û fîraz kenê.
Serkêşîya cinîyan de tewirê şarê ma tewirê azadî û demokrasî yo. No tewir bîyo cewabê waştişê azadîye. Cewabo ke Kurdîstanî ra dîya Erdoganê faşîstî û partîyanê sîstemî bi pawitişê erjan aferîyayo. Şarê ma bi tewirê xo yê weçînayîşan hêzê xo yê komelê demokratîkî mojna û reyna Komployo Mîyanneteweyî pûç kerd.
Nê weçînayîşan de plan û operasyonê hêzanê şerê taybetî serê bingeyê hîle û dizdîye de ameyê kerdene. Turê diyînî yê weçînayîşê serekkomarîye de îtîfaqê ATA dîyakerdişê netîceyanê weçînayîşî de tewirê stratejîkî kerdî. A raşte no planêkê şerê taybetî bibi. Seke zanîyeno weçînayîşan de hertim çarenûsî kurdî dîyar kenê. Nê weçînayîşî qetî edîlane û meşrû nîyê. No operasyonêko taybet ê rejîmê şerê taybetî yo. Ganî şarê ma, cinî, hêzê demokrasî û azadî nînan hol bivînê û têkoşînê xo goreyê ci bizêdînê.Weçînayîşî teyna warêkê têkoşînî yê. Ganî şarê ma her warî de xo rêxistin bikerê.
Rixmê kayanê şerê taybetî zî şarê ma şi sindoqan ser. Partîya Çep a Keske zî bi aktîfî xebitîyaye. Cinîyî Meclîs de bîyê wayîrê temsîlkarîya têdûşte. Sey cinîyan ma do her warê xye de têkoşînê xo yê azadîye bi xurtî bîyarê ca.
Verê ma de weçînayîşê herêmî est ê ke zaf girîng ê. Nê dewrê neweyî yê têkoşînî de sere de cinî û ciwanî şarê ma, hêzê demokrasî û azadîye do heta peynî xo ver bidê. Tirkîya de se ra nêmeyê nufusî demokrasî, azadî, edalet û vurîyayîşî wazeno. Ma do pêro hêzê xo rêxistin bikerê, vera faşîzmî xo ver bidê û Kurdîstanî faşîzmî rê bikerê goristan. Seserra 21. ma bikerê vurîyayîşê seserra azadîya şarê xo û cinîyan.
Nê bingeyî ser o ma venga şarê xo, cinîyan, ciwanan, kedkaran, bawermendan danê ke rêxistiin bibê û vera faşîzmî xo ver bidê. Ma vanê Jin, Jiyan, Azadî.” BEHDÎNAN
