Di hewte yo artêşa Iraqî bi desan reyî kerd ke dormeyê kampe de xendekan bikêna û debikewa kampe. La şarê Mexmûrî bi qerardarî vera nê xîretan girewt.
Kampa Mexmûrî cara bi serran o binê ambargoyê PDKyî de ya û şar ano ziwan ke ê meverdê ke kampe bêra kerdene zîndanî.
Şarê Mexmûrî wazeno ke verê ci de huqûqê multecîyan o mîyanneteweyî bêro caardene. Şar venga hukmatê Iraqî dano ke wa waştişanê dewleta tirke nêkero.
Heta nika mabênê temsîlkaranê kampe û selahîyetdaranê Iraqî de çend pêvînayîşî ameyî kerdene. Neteweyanê Yewbîyayeyan zî hêrişanê DAIŞî ra dima reya verêne kampe de şar zîyaret kerd. Nê pêvînayîş û zîyaretan de soz dîya şarî ke ablûqa do bêra wedaritene la heta nika no soz nêameyo caardene. MEXMÛR
