Merkezê Îrtîbatî û Çapemenîye yê HPGyî derheqê hêrişanê îşxalî de bi eşkerayîyêke tay agahîyî dayî. Eşkerayîye wina ya:
“Artêşa tirke ya îşxalkere Herêmanê Pawitişî yê Medya de hêrişanê vera hêzanê ma û waranê xoverdayîşî rê dewam kena.
Di rojanê peyênan de Herêmê Pawitişî yê Medya 15 reyî pê teyarayanê şerî bi temamî 110 reyî dîyayî bombayan ver. Mewzîyê xoverdayîşî yê herêma rojawan û rojhelatê Zapî yê Şehîd Delale zî pê kepçeyan ameyî şiknayene. Warê Xoverdayîşî yê Girê FMyî de mabênê îşxalkeran û hêzanê ma de 6 reyî pêkewtişî qewimîyayî.
Herêma rojawanî Zapî ya Şehîde Delale de;
-6ê hezîrane de Warê Xoverdayîşî yê Girê FMyî de îşxalkeran hêriş kerd û hêzanê ma cewab da nê hêrişan. Dima mabênê îşxalkeran û hêzanê ma de 5 reyî pêkewtişî qewimîyayî. Dima Warê Xoverdayîşî pê obus û tankan 74 reyî dîyayî bombayan ver.
Hêrişê bînî yê artêşa îşxalkere;
-6ê hezîrane de herêma rojawanê Zapî ya Şehîde Delale de Warê Xoverdayîşî yê Girê Amedîyê û rojhelatê Zapî de Warê Xoverdayîşî yê Sîda 19 reyî pê tank û obusan dîyayî bombayan ver.
-6ê hezîrane de Warê Xoverdayîşî yê Sîda 2 reyî pê helîkopteranê şerî dîya bombayan ver.
-6 û 7ê hezîrane de Girê Sîser, Derîyê Hirçê, dewa Sêdarê, Girê Dola Mêranê û dewa Dêreşê 11 reyî; Warê Xoverdayîşî yê Girê Bihar û Girê Amedîyê 3 reyî û warê Çarçelî yê Metîna 1 reye dîyayî bombayan ver.
-6-7ê hezîrane de artêşa îşxalkere pê kepçeyan hêrişê mewzîyanê Girê FMyî û Sîda kerd ke înan bişikna.”
Embaz Zerdeşt Başûrî şehîd bi
Merkezê Îrtîbatî û Çapemenîye yê HPGyî heman eşkerayîye de da zanayene ke gerîlayê înan Zerdeşt Başûrî şehîd bîyo:
”Embaz Zerdeşt Başûrî bi hişmendîyêka neteweyîye tewrê têkoşînê azadîye bi û 24ê gulana 2023yî de Herêma Şehîde Delale de şehîd bi. Embaz Zerdeşt wextê hêrişanê giranan de Silêmanî ra tewrê xoverdayîşî bi. Ey Şorişê Rojawanî ra heta Herêmanê Pawitişî yê Medya xeylêk cayan de tewr vernî de cagirewt. Ma sere de keyeyê ey ê ercîyayeyî rê, pêro şarê Başûrî û Kurdîstanî yê welatperwerî rê serweşîye wazenê. Ma soz danê ke şexsê embaz Zerdeştî de xeyalanê şehîdan Rayberîya Azade û Kurdîstanê Azadî bîyarê ca.
Embaz Zerdeşt Silêmanî de dadîya xo ra beno. Embaz Zerdeşt mîyanê keyeyêkê qîmetînî de têkoşînê neteweyî şinasneno. Embaz Zerdeşt wextê hêrişanê dewleta tirke ya îşxalkere yê vera Girê Sipî û Serêkanîyê de derbazê Serêkanîyê beno. O vera nê hêrişanê îşxalî bi giranî têkoşîn keno û dima zî verê xo dano koyan, beno gerîla.
Embaz Zerdeşt koyan de binê fermandarîya Cumalî û Çavrêyan de xeylêk tecrubeyan visneno destî û şer de beno mahîr. O pê kesayetê xo yê fedakar û kedkarî zî beno mazharê heskerdiş û hûrmetê pêro embazanê xo. Embaz Zerdeşt hetê îdeolojîk û leşkerî ra xo aver beno û teknîkê sabotajî de beno pispor. Embaz Zerdeşt tewrê Hêzanê Taybetan beno. O amadekerdişê tunelanê şerî de cagêno, çalakîyanê serkewteyan de derbanê giranan dano dişmenî ro. Şehadetê ey zaf tesîrê ma kerd. Ma şexsê embaz Zerdeştî de soz danê pêro şehîdanê xo ke do têkoşînê înan pîlêr bikerê.”
Nasnameyê embaz Zerdeşt Başûrîyî wina yê:
 |
Nameyê Qodî: Zerdeşt Başûrî
Name û Peyname: Şivan Mihemed Cayê Bîyayîşî: Silêmanî Maye-Pî: Nîsane – Mihemed Tarîx û Cayê Şehadetî: 24ê Gulana 2023yî / Zap |
