Li gorî agahiyên hatine wergirtin, li Silêmaniyê li dijî endamekî Komeleya Karkeran a Mezopotamyayê êrîşa çekdarî pêk hat.
Endamê komeleyê ku navê wî nehat zanîn, piştî êrîşê birin nexweşxaneya Şoreşê. Hat diyarkirin ku rewşa wî giran e.
Hîna nayê zanîn ku êrîşkar kî ye û ka hatiye girtin an na. Lê tê texmînkirin ku ev sûîqast jî wek yê beriya xwe ji aliyê dewleta tirk û PDK’ê ve û bi destê tetîkkêşên Hîzbulahê pêk hatiye.
Li gorî agahiyan navê kesê êrîş lê hatî kirin, Huseyîn Arasan e û xelkê Mêrdînê ye. Huseyîn Arasan li bajarê Îzmîrê yê Tirkiyeyê di sala 1978’an de ji dayik bû. Li gorî agahiyan Huseyîn Arasan ji ber doza siyasî demek bû ji neçarî derbasî başûrê Kurdistanê bûbû û niştecihê Silêmaniyeyê bû.
Li gorî agahiyan 3 gule li bedena endamê Komeleya Karkerên Mezopotamyayê ketiye û rakirine nexweşxaneyeke li Silêmaniyeyê. Li gorî agahiyan rewşa birîndar girane.
Êrîşa sûqestî li ber derê komeleyê pêk hat û nayê zanî ji aliyê kê ve hatiye kirin.
Heta niha derbarê êrîşê de tu daxûyaniyek fermî nehatiye belavkirin.
