Peynîya hewteyî de Tirkîya û Vakurê Kurdîstanî de îmtîhanê zanîngehan do bêrê kerdene. Amed de 120 hezar wendekarî do îmtîhan bibê la nînan ra 40 hezar tenî qerarê OSYMyî ra neçare yê ke şaristananê bînan de do îmtîhan bibê. Rixmo ke Amed de bînayê umûmîye, dibistan û cayê sey nînan zaf ê bire daye ke nê 40 wendekarî Anqara, Sêwas, Dîlok, Qibris û şaristananê dûran de îmtîhan bibê.
Îdarekarê Şubeyê Diyînî yê Amedî yê Egîtîm-Senî Fesîh Zîrekî derheqê babete de ANFyî rê qisey kerd. Zîrekî da zanayene ke no kerdiş vera wendekaran binpaykerdişê heqî to û vat: ”Tay wendekarî est ê ke neçarî ra do Qibris de bikewê îmtîhanî. No kerdiş mexdûrîyêka pîle vejeno werte.
Cara nê îmtîhanî wendekaran ser o tesîrêkê cidîyî kenê. Ciwanî nê îmtîhanan de hêvîya cuya xo vînenê. Xora semedê erdlerzî ra psîkolojîya ciwananê ma hol nîya. Rewşêka winayêne de ma qebul nêkerd ke na bara ciwananê ma bizêdîya. Derheqê babete de ma dezgehê Perwerdeyê Milî yê şaristanî de pêvînayîş kerd. Netîce de cayê 5 hezar wendekaran vurîyayî. La no zî qim nêkeno. Muracatê ma ra dima 23 dibistanê cîyayî reyna sey merkezê îmtîhanî ameyî mojnayene. Îmtîhanî nê cayan de do bêro kerdene la no qîm nêkeno.” AMED
