Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî.
Eşkerayîye wina ya:
”Artêşa tirke ya îşxalkere pê xeyalê kolonyalîzmî û netîcekerdişê sîyasetê qirkerdişî 25ê gulana 2022yî de vera Herêma Rojawanê Zapî ya Şehîdî Delîlî hêrişê îşxalî dayî destpêkerdene. Vera nê hêrişan warê Girê Cûdîyî de embazanê ma Aryena, Canfeda û pale bi rojan kerd ke dişmen uca de ca nêbo. Înan pê xoverdayîşê xo yê bêhempayî derbê giranî dayî dişmenî ro. Xoverdayîşo destanwarî yo ke hetê nê embazanê ma yê şehîdan ra ameyo kerdene, bîyo çimeyê îlhamî û dersêka tarîxîye daye dişmenî. Embazanê ma Aryena, Canfeda û Paleyî dima waranê Girê Cûdîyî, Girê FMyî û Girê Şehîd Pîrdoganî de bingeyê operasyonanê şorişgêran eşt û bi israrê xo yê xoverdayîş û têkoşînî bîyî şerê vera îşxalkeran.
Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke xeyalanê şehîdanê xo bîyarê ca.,
Embaze Aryena Bedlîs de dadîya xo ra bena. A rixmo ke metropolan de bena pîl kultur û ziwanê xo ra dûrî nêkewena û 2019 de zî verê xo dana koyanê azadan. A Garê de pratîk kena û bena şerwanêka marîfetîne. Embaze Aryena dima Hêzanê Taybetan de cagêna. Embaze Aryena herêma Şehîd Delîlî de vera dişmenî çalakîyanê serkewteyan de cagêna, derbanê giranan dana dişmenî ro û heta nefesê xo yê peyênî sey gerîlayêka YJA-Starî şer kena.
Embaz Canfeda Elcewazê Bedlîsî de dadîya xo ra beno. Embaz Canfeda hêrişanê DAIŞî ra dima bi hêrsî û seba hesabpersayîşî 2014 de Garzan de tewrê gerîlayan beno. Embaz Canfeda perwerdeyê verênî ra dima Garzanî ra derbazê Herêmanê Pawitişî yê Medya beno. O Kerkûk û Mexmûr de zî vera DAIŞî şer keno. O dima agêreno Heftanîn, tîya de tewrê xeylêk çalakîyan beno û Hêzanê Taybetan de cagêno. Embaz Canfeda dima Herêma Şehîd Delîlî de vera hêrişanê dişmenî zî bi heman mesuldarî têgêreno û keno ke verê dişmenî bigêro.
Embaz Pale Kobanê de dadîya xo ra beno. Embaz Paleyo ke Xoverdayîşê Kobanê de gerîlayan û partîya ma nêzdî ra şinasneno, 2016 de sey erkêkî bêteredut tewrê gerîlayan beno. O seba qesasê şarê xo Dêra Zorê de vera DAIŞî şer keno û Efrîn de zî vera artêşa tirke ya îşxalkere şer keno. O dima verê xo dano koyan, Hêzanê Taybetan de cagêno û pê serkewtişê xo yê şerî embazanê xo rê beno mîsal. Embaz Pale Herêma Şehîd Delîlî de bi fedayîtî şer keno û embazanê xo rê beno çimeyê moralî.”
Nasnameyê embazanê ma yê şehîdan wina yê:
 |
Nameyê Qodî: Aryena Welat
Name û Peyname: Dîlane Durmuş Cayê Bîyayîşî: Bedlîs Maye-Pî: Pakize – Bahattin Tarîx û Cayê Şehadetî: 2022 / Herêma Rojawanê Zapî ya Şehîd Delîlî |
 |
Nameyê Qodî: Canfeda Sîpan
Name û Peyname: Serhat Ogmen Cayê Bîyayîşî: Bedlîs Maye-Pî: Meleke – Nihat Tarîx û Cayê Şehadetî: 2022 / Herêma Rojawanê Zapî ya Şehîd Delîlî |
 |
Nameyê Qodî: Pale Kobanê
Name û Peyname: Ahmed Îbrahim Cayê Bîyayîşî: Kobanê Maye-Pî: Naîle – Îbrahim Tarîx û Cayê Şehadetî: 2022 / Herêma Rojawanê Zapî ya Şehîd Delîlî |
