Merkezê Îrtîbatî û Çapemenîye yê HPGyî bi eşkerayîyêke da zanayene ke gerîla Dîdare Tolhildan şehîd bîya. Eşkerayîye wina ya:
”Fermandaranê fedayîyan ê Warê Xoverdayîşî yê Girê Cûdîyî ra Dîdare Tolhildan gulana 2022yî de hêrişê dişmenî de bi qehremanî şer kerd û şehîd bîye. Embaze Dîdare xeylêk cayanê Herêma Rojawanê Zapî yê Şehîd Delîlî de erkî kerdî, perwerdekerdişê embazan ra heta viraştişê tunelan xeylêk erkî bi serkewtişî ardî ca. Embaze Dîdare her hela xo seba ke layîqa şehîdan û Rayberîye biba vîyarte û sey milîtanêka serkêşe ya PKK-PAJKî embazanê xo rê bîye nimûne.
Ma sere de keyeyê aye yê ercîyayeyî û şarê Rojawanî rê pêro şarê Kurdîstanî yê welatperwerî rê serweşîye wazenê. Ma soz danê ke ala têkoşînî ya embaza ma fedayîye seba ke bibê layîqê şehîdan heta peynî berz bikerê.
Embaz Dîdare şaristanê Hesekê yê Rojawanê Kurdîstanî de dadîya xo ra bena. Embaze Dîdara ke keyeyê ci pê tesîrê xala ci Leymane Şiwêş (Rihane Amûdê) nameyê ci nayo pa, domanîya xo de têgêrayîşê azadîye şinasna. Dima ke xalê aye Latîf (Abdullah Şiwêş) 1994 de Garzan de şehîd bibi embaze Dîdare xo hîna nêzdîyê têkoşînî kena. A hêverî mîyanê YPG-YPJyî de cagêna û vera DAÎŞî şer kena.
Embaze Dîdare leşkerî û îdeolojî ser o perwerde vînena, taktîkê sûîkastî de xo aver bena û Efrînî ra heta Serêkanîye tewra xeylêk hemleyan bena. Embaze Dîdare rixmo ke çend reyî birîndar zî bena têkoşînî ra qetî fek vera nêdana. 2012 ra heta 2019î a mîyanê Şorişê Rojawanî de cagêna. Dima verê xo dana û bena fermandara gerîlayan. Embaze Dîdare pê tewrbîyayîşê xo, kesayetê xo û embazîya xo tim bena çimeyê hêz û moralî û sey fermandarêke tim pêro ekr û mesuldarîyanê xo ana ca.
Embaze Dîdare Herêma Şehîd Delîlî de amadekarîyanê şerî kena, embazanê xo perwerde kena. A 2022 de vera hêrişanê dişmenî Herêma Şehîd Delîlî de xoverdayîşêkê pîlî ana ca, nêverdena dişmen herême de cabiba û xeylêk çalakîyanê serkewteyan plan kena. Embaze Dîdare bi şîarê ‘Jin, Jîyan, Azadî’ bena hêvîya pêro cinîyan û azadîya cinîyan temsîl kena. Ma soz danê ke têkoşînê aye ser bivisnê.”
Nasnameyê embaze Dîdare wina yo:
 |
Nameyê Qodî: Dîdare Tolhildan
Name û Peyname: Leymane Hesen Cayê Bîyayîşî: Hesekê Maye-Pî: Nûra–Berzan Tarîx û Cayê Şehadetî: Gulana 2022yî / Zap |
