Meclîsê Sûryanîyan ê Ewropa ra Shleymun Elber Rhawi yo ke komîteya hazirkerdişê aktîvîteyanê Lozanî de ca geno ANFyî rê qisey kerd.
Rhawiyî ard ziwan ke Lozan semedê sûryanîyan zî yew travma yo û nê vatî: “Ma zî komîteya konferansî de ca genê. Badê Pêkerdişê Lozanî çîyê ke qewimîyayî gerek heme dinya tira hayîdar bo. Dejê ke şarê bindestî ancenê gerek bêrê rojdemkerdene. Têkoşîno ke şarê kurdî 30-40 serrî yo dano muhîm o. Rojawan de îdareyêko nimûne est o, her şar xo rehat îfade keno. Ma konferans na çarçewe de bikerdêne dahîna hole bîyênî. Werekna konferans de heme renganê cîyayan xo îfade bikerdêne la heme şaran paştî nêda. Gerek şarê bindestî bibê yew ke qederê xo bibedilnê.
Badê Pêkerdişê Lozanî sey ma vera kurdan zî qirkerdiş ame kerdene. Netîceya Têkoşînê Azadîye yê Kurdîstanî de vera qirkerdişan kurdî payra mendî. Coka kurdî eşkenê nika têhetameyîşê renganê cîya cîyayan rê serkêşîye bikerê. Ma weçînitişê peyênî de zî dî ke Tirkîya de heme kayî kurdan sero yenê kaykerdene. Senî ke aseno vera kurdan qirkerdişêko bîn yeno hazirkerdene. Dewleta tirke heme şarî verdayî pê. Gerek ma nê kayan rê mexapîyê. Sûryanî vanê Behtnahrin, kurdî vanê Kurdîstan û armenîyî vanê Armenîstan. Heme şarê ke na cografya de yê gerek xo warê demokratîkî de îfade bikerê û heqê înan ê temsîlî bibo. Hêzê kurdan est o ke nê warê demokratîkî afirnê û ci rê serkêşîye bikerê. Ma sey şaranê bindestan eşkenê zilmê serê xo wedarê. Gerek ma bibê yew û bi ruhê hemparî cehd bikerê.” LOZAN
