Merkezê Îrtîbatî û Çapemenîye yê HPGyî bi eşkerayîyêke da zanayene ke gerîla Dîyar Norşîn şehîd bîyo. Eşkerayîye wina ya:
”Ewladê şarê ma yê Colemêrgî yo ercîyaye embaz Dîyar Norşîn 20ê teşrîna verêne ya 2021î de Zap de hêrişê dewleta tirke ya îşxalkere de şehîd bi.
Dewleta tirke ya kolonyalîste û qirkere serra 2021î ra nata hêrişê Zap, Metîna û Avaşînî kena û nê hêrişî ewro zî dewam kenê. Fermandarê ma yê ercîyayeyî embaz Dîyar Norşînî destpêkê hêrişan ra nata derbê giranî dayêne dişmenî ro û o bi kedkarêkê xoverdayîşê ewroyînî. Embaz Dîyar pê terzê xo yê afernayoxî û taktîkanê xo bi fermandaranê serkêşan ê gerîlatîya dewrê neweyî. Embaz Dîyarî ma rê mîrasêkê têkoşînî yo pîl û erkê ke ganî ser bivîsîyê verdayî û bi bêmerg.
Ma soz danê ke alaya ci ya têkoiînî bi layîqî berz bikerê û xeyalê ci yê Kurdîstanê Azadî qetî awan bikerê. Ma sere de keyeyê ci yê ercîyayeyî rê, pêro şarê Kampa Rûstem Cûdîyî û Kurdîstanî rê serweşîye wazenê.
Nasnameyê embaz Dîyar Norşînî wina yo:
 |
Nameyê Qodî: Diyar Norşîn
Name û Peyname: Feyzî Kaya Cayê Bîyayîşî: Colemêrg Maye-Pî: Sarya – Şemsettîn Tarîx û Cayê Şehadetî: 20ê Teşrîna Verêne ya 2021î /Zap |
Embaz Dîyar Colemêrg de dadîya xo ra beno. O hema domanîya xo de partîya ma şinasneno. Keyeyê ey tedayanê dewlete ra dima Kampa Multecîyan a Şehîd Rûstem Cûdîyî ya Mexmûrî de cabeno. Embaz Dîyar serra 2001î de bi hêrs û hîsê qesasî verê xo dano koyan û beno gerîla.
O nameyê apê xo yê şehîdî û merdima xo ya şehîdî gêno û beno Dîyar Norşîn. Embaz Dîyar Garê, Metîna, Qendîl, Zagros, Zap û Xakurkê de gerîlatîye keno, çalakîyanê serkewteyan keno û beno milîtanêko bêters. O Dibistana Kadroyan a Mazlûm Doganî û Akademîya Hakî Karerî de perwerde vîneno. Embaz Dîyar vera DAIŞî 2014 de Kobanê de têkoşîn keno. Dima o xoverdayîşê xoîdarekerdişî de hetê şarê ma de şer keno û hesabê qirkerdişan perseno. Embaz Dîyar 2018 de reyna Akademîya Hakî Karerî de perwerde vîneno û dima sey fermandarêkî derbazê Zapî beno. Embaz Dîyar tim pêro mesuldarî û erkanê xo bêteredut û bêkêmasî ano ca.
Embaz Dîyar pê şer û cesaretê xo mazharê heskerdiş û hûrmetê embazanê xo beno. Embaz Dîyar Norşîn 20ê teşrîna verêne ya 2021î de warê Zapî de hêrişê dişmenî de şehîd bi û bi nê hawayî tarîxê şarê ma yê rûmetênî de cayê xo bi layîqî girewt.” BEHDÎNAN
