Bi wesîleya serrgêra 100. ya Pêkerdişê Lozanî bi şîarê ‘Serra 100. ya Pêkerdişê Lozanî de ma sey kurdan û kurdîstanijan Lozan de yê û ma Pêkerdişê Lozanî qebul nêkenê!’ Salona Kongre ya Beaulieuyî ya Lozanî de 22-23yê temmuze de konferansêk ame kerdene. 4 parçeyanê Kurdîstanî ra tewr tay 600 delegeyî tewrê konferansî bîyî.
Konferansê Lozanî vizêr qedîya. Netîceya nîqaşanê konferansê di rojan de tay birî ameyî girewtene. Birî ewro do sey netîcenameyêkî bêrê eşkerakerdene.
Konferans de partîyanê sîyasîyan ê cîyayan ê Kurdîstanî derheqê tewirê xo yê vera Peymana Lozanî de qisey kerd û netîceyê peymane yê serê kurdan ameyî nîqaşkerdene.
Qiseykerdoxan pare kerd ke ganî kurdî seserra newîye de sîyasetêkê senînî bikerê, naye ser o fikr û pêşnîyazê xo pêşkêş kerdî.
Birê konferansî ewro saete 10.00 de verê bînaya Château d’Ouchyî de bi eşkerayîyêka çapemenîye do bêrê parekerdene. LOZAN
