Karkeranê Şîrketa Vilakerdişê Ceyranî ya Dîcle (DEDAŞ) 6 şaristanan de seba ke şertê înan ê xebitîyayîşî bêrê holkerdene çalakîyêka karverdayîşî kerdbî. Naye ra pey Amed de 100 karkerî û şaristananê bînan de zî qasê 300 karkerî bi hawayêkê keyfî û bê tazmînatî karî ra vetbî. Karkerî bi ‘Kodê-49î’ karî ra ameybî vetene û nînan rê xebera karîravetişî pê SMSan amebî dayene.
Amed de karkerê DEDAŞî yê ke bê tazmînatî karî ra ameybî vetene, serkêşîya Sendîkaya DÎSK, û Enerjî-Senî de seba ke abigêrê karî û şertê xebatî bêrê holkerdene verê DEDAŞî de çalakîya roniştişî kenê. KESK zî paştî dano çalakîye.
Serekê Şubeyê Amedî yê DÎSKî Becet Barutî çalakîye de vat: ”Ma hetê embazanê xo de yê. Ma pêro gamanê DEDAŞî teqîb kenê. Ganî karkerî nêrê mexdûrkerdene û cade îadeyê karî bêrê kerdene.” AMED
