Eşkerayîye wina ya:
”Artêşa tirke ya îşxalkere warê Hîzanî yê Garzanî de destpêkê temmuze ra heta peynî operasyonê hîrayî kerdî. Nê operasyonan de warê Hîzanî bi rojan pê leşker, kontra, teknîkê şerî, teyara û helîkopteran dîya bombayan ver. Bi desan dewan de qedexeyê tebervejîyayîşî ame îlanekrdene. Nê hêrişan mojna ke tersê vera gerîlayan dişmen visto çi halî.
Komêka embazanê ma mengêke vera nê hêrişan û operasyonan xo ver da û hêrişî pûç kerdî. Embaz Rêdûr nê prosesî de pêkewtişan de birîndar bi. Ey bi qerardarî têkoşîn kerd û vera dişmenî pêkewtişê peyênî de zî bi qehremanî xo ver da. Embaz Rêdûr 27ê temmuze de bombardumananê dişmenî de şehîd bi.
Têkoşîn û xoverdayîşê ey ê 26 rojanê peyênan fedakarîyanê tarîxî yê tewr pîlan ra yew bi. Rixmo ke dewleta tirke bi hezaran leşkeran, teyarayanê şerî, helîkopter û wesayîtanê zirxînan hêriş kerd no embazê ma bi îrade û cesaretê xo tarîx de cayê xo girewt. Ma sere de keyeyê ey ê ercîyayeyî rê pêro şarê welatperwerî yê Kurdîstanî ra serweşîye wazenê.
Nasnameyê embaz Rêdûr Sîserî wina yo:
 |
Nameyê Qodî: Rêdûr Sîser
Name û Peyname: Guven Ozcan Cayê Bîyayîşî: Bedlîs Maye-Pî: Gulhayate – Sabrî Tarîx û Cayê Şehadetî: 27ê Temmuza 2023yî / Garzan |
Embaz Rêdûr qezaya Norşînî ya Bedlîsî de dadîya xo ra beno. O hema domanîya xo de gerîlayan şinasneno û xeyalê gerîlatîye keno. Embaz Rêdûr pê nê hîsan û hişmendî 2015 de Garzan de tewrê gerîlayan beno. O Garzan de gerîlatîye pratîze keno. Embaz Rêdûr cade adapteyê koyan beno û 3 serran Garzan de manenp. Embaz Rêdûr tîya de serkêşîya çalakîyanê serkewteyan keno. 2017 de o Herêmanê Pawitişî yê Medya de tewrê Akademîya Apollonî beno. Dima Fermandarîya Qerargehê Merkezî de tewrê xebatan beno.2020 de zî embaz Rêdûr Akademîya Şehîd Îbrahîmî de perwerde vîneno. Embaz Rêdûr dima agêreno koyanê Garzanî. Embaz Rêdûr pê cuya xo ya derwîşane û xebata xo tim fedakar û mutewazî beno. Embaz Rêdûr aşmêke Hîzan de vera hêrişanê artêşa îşxalkere bi qerardarî xo ver dano. O 27ê temmuze de bi saetan vera dişmenî şer keno û beno şehîd.” BEHDÎNAN
