Qezaya Payîzava ya Wanî de mabênê esnafan û Şaredarîya AKPyî de alozîye vejîyaye. Şaredarîye waşt ke wa esnafî dikananê xo xalî bikerê ke ê cayî de sîte do bêra viraştene.
Şaredarê Payîzava yê AKPyî Hayrullah Tanişî 12 esnafan rê nuşteyê xalîkerdişî şawitî. Esnafan vera bire nêrazîbîyayîşê xo mojna. Pereyî ra nata zî esnafî dikanê xo anêkenê û bi nê hawayî şaredarîye protesto kenê. Şaredarîye zî esnafan rê gef werd ke dikanan biqefilna.
Esnafan dikananê xo ser de nuşteyê ”Seba ke ma û şaredarîye pênêkerd, dikanî girewte yê” daliqna.
Esnafan ajansê ma rê pare kerd ke şaredarîye wazena dikanan bi zorî xalî bikera la ê ney qebul nêkenê. Esnafan ard ziwan ke ê do muracatê rayîranê huqûqî bikerê û venga her kesî da ke derheqê babete de hîsger bibo. WAN
