Merkezê Îrtîbatî û Çapemenîye yê HPGyî bi eşkerayîyêke nasnameyê yew şehîde pare kerd. Eşkerayîye wina ya:
”Embaza ma ya şorişgêre ya enternasyonalîste Elefterîa Hambî binê tesîrê fikrê sosyalîzmê demokratîkî yê Rayberîye û şerê fedayî yê milîtananê Apogîran de mende. Aye bi nê tesîrî bi hişmendîya enternasyonalîst û sosyalîstî verê xo da Kurdîstanî. Embaza ma Elefterîa Hambî Rojawanê Kurdîstanî ra heta Herêmanê Pawitişî yê Medya de bi fedayîtî têkoşîn kerd. Embaze Elefterîa Hambî 25ê teşrîna peyêne ya 2019î de warê Sêdarê yê Garê de bombardumanê artêşa tirke ya îşxalkere de şehîd bîye.
Embaza ma Elefterîa Hambîya ke bi xeyalê caardişê paradîgmaya Rayberîye verê xo dayo Kurdîstanî, tim embazanê xo rê bîye çimeyê moral û hêzî. Enternasyonalîstanê sey aye têkoşînê azadîye yê şaran kerd pîlêr. Ma sere de keyeyê aye yê ercîyayeyî rê pêro şarê almanî yê demokratîkî û şarê Kurdîstanî rê serweşîye wazenê.
Nasnameyê şehîda ma wina yo:
 |
Nameyê Qodî: Elefterîa Hambî
Name û Peyname: Eva Maria Steiger Cayê Bîyayîşî: Almanya Maye-Pî: Corinna – Hans Michael Tarîx û Cayê Şehadetî: 25ê Teşrîna Peyêne ya 2019î / Garê |
Embaza ma Elefterîa şaristanê Memmingenî yê Almanya de keyeyêkê demokratî de dadîya xo ra bena. A ciwanîya xo de tim kapîtalîzmî ser o fikirîyena. A zanîngeh de tewra têkoşînê ekolojî bena û rixmo ke çend reyî yena destbendkerdene qetî têkoşînî ra fek vera nêdana. Embaza ma Elefterîa wexto ke multecîyanê kurdan û têkoşînê înan şinasnena, têgêrayîşê azadîye yê kurdan bala aye ancena.
Embaza ma Elefterîa Şorişê Rojawanî ra dima verê xo dana tîya û wextêk Rojawan de manena. Dima 2018 de a derbazê refanê gerîlayan bena. Embaza ma Elefterîa koyan de bena aşiqa cografyaya Kurdîstanî. A perwerdeyan ra dima warê Garê de têkoşîn kena. Embaza ma Elefterîa rayîrê şehîdan de şina û derbanê giranan dana îşxalkeran ra. A koyan de kurdkî musena û embazanê xo de torrêka zixme nana ro. Embaza ma Elefterîa tim pêro erk û mesuldarîyanê xo ana ca û bena milîtanêka serkewte ya YJA-Starî.” BEHDÎNAN
