Yewinanê Xoverdayîşî yê Şingalî (YBŞ) bi wesîleya Fermanê 3yê Tebaxa 2014î eşkerayîyêka nuştekîye daye.
YBŞyî eşkerayîya xo de hêverî şehîdê 3yê Tebaxe yad kerdî. YBŞyî vat: ”Ferman de teyna milîtanê Rayber Apoyî resayî hewarê ma. Ma heta peynî minetdarê înan bibê. Ewro ma xêrê fikranê Rayber Apoyî û xoverdayîşê milîtananê ey ra erdê xo de bi azadî ciwîyenê û xo rêxistin kenê. Fermanê 3yê Tebaxe de şarê ma ame qirkerdene, domanê kênayî û cinîyê Şingalî ameyî remnayene, esîrkerdene û rotene. DAÎŞî reyde dewleta tirke û PDK zî mesuldarê nê fermanî yê.
Dewleta tirke, hukmatê Iraqî û PDK ewro zî bi Peymana 9ê Teşrîna Verêne hêrişê îradeyê azadî yê şarê ma kenê. Hêrişê vera Şingalî pêro Kurdîstanî hedef kenê. Eke verê nê hêrişan nêro girewtene qirkerdişê pîlî do reyna biqewimîyê. Ma sey YBŞyî do qetî destûr nêdê ke erdê ma bêro îşxalkerdene. Ma do têkoşînê şehîdanê xo bi serkewtişî tacîdar bikerê.
Ganî ma bi xurtêrî têkoşînê xo rê dewam bikerê, pêro waran de têkoşînê xopawitişî bikerê û Xoserîya Demokratîke ya Şingalî zixmêr bikerê. Ganî şarê ma yê Şingalî abigêro wareyê xo û newe ra Şingalî awan bikero. Ma do heta peynî şehîdanê xo teqîb bikerê û xeyalanê înan bîyarê ca.” ŞINGAL
