Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêke eşkera kerd. Eşkerayîye wina ya:
”Ewlada Cizîra Botanî ya qehremane, milîtana fedayî ya dewaya azadîye û şerwana YJA-Starî ya cesure Destan Botane 25ê temmuza 2023yî de pêkewtişê vera dişmenî de şehîd bîye. Aye wexto ke Nisêbîn de erkêk ardêne ca vera dişmeno ke dormeyê ci girewtbî bi sereyê xo şer kerd. Embaze Destane bi cesaretî û ruhê fedayî heta peynî şer kerd, teslîmbîyayîş sey bêrûmetîye hesibna û wina bi fedayîtî ver bi şehadetî şîye. Embaza ma Destane pê şehadetê xo rûmetê cinîya azade, tewirê milîtanîya Apogîran û ruhê Bêrîtanan ê YJA-Starî bi layîqî temsîl kerdî.
Ma sere de keyeyê ci yê ercîyayeyî rê, pêr şarê Cizîra Botanî û Kurdîstanî yê welatperwerî rê serweşîye wazenê.
Nasnameyê embaze Destane wina yo:
 |
Nameyê Qodî: Destane Botan
Name û Peyname: Kadere Acar Cayê Bîyayîşî: Şirnex Maye-Pî: Leyla–Mehmet Tarîx û Cayê Şehadetî: 25ê Temmuza 2023yî / Nisêbîn |
Embaza ma Destane Cizîra Botanî de dadîya xo ra bena. Embaze Destane rixmo ke wendekarêka serkewte bîye dibistananê dewlete war verdena û 2014 de verê xo dana koyanê Kurdîstanî, bena gerîla.
Embaza ma Destane cade adapteya koyan bena û îdeolojîya Rayberîye de xo aver bena. Wexto ke DAIŞî hêrişê Şingalî kerd embaze Destane xo resnena hewarê şarê Şingalî. A Şingal de kedêka pîle dana û 2018 de verê xo dana koyanê Herêmanê Pawitişî yê Medya. Embaze Destane dima ke akademî bi serkewtişî qedînena bena fermandare û serkêşîya embazanê xo kena.
Embaze Destane çarçewa Şerê Şarî yê Şorişgêrî de mîyanê xebatanê YPSyî de cagêna. Embaze Nisêbîn de wexto ke erkê xo ser de bîye waro ke a tede mendêne hetê bi wesayîtanê zirxînan û bi seyan leşkeran gêrîyeno binê ablûqa. Embaze Destane tîya de bi layîqîya cewherê xo şer kena û seba ke esîr nêkewa destê dişmenî xo ver dana. Embaze Destane bena sembolanê ma yê azadîye ra yewe û tradîsyonê xoverdayîşî yê Botanî bi layîqî ana ca.” BEHDÎNAN
