Konferans ji aliyê Komeleya Jîn a Jinan, Komeleya Newroz a civakî û Însiyatîfa Nûn a ji bo Azadiya Rêber Abdullah Ocalan ve tê organîzekirin. Dê konferans 2 rojan dewam bike.
Ji welatên Tunis, Urdun, Iraq, Lubnan, Sûdan, Tirkiye, Filistîn, Misir, Sûriye û Îranê, her wiha ji Şengal, Bakûr û Rojhilatê Sûriyeyê 80 delegeyên nûnerên saziyên jinan tev li dibin.
Konferansê bi sirûdên neteweyî yên Lubnanê û kurdî dest pê kir.
Axaftina destpêkê dê aktîvîsta mafên jinan û mafên mirovan Dr. Ayîde Nasir bike. Her wiha li ser navê komîteya amadekar a kongeryê dê Henan Osman biaxive.
Li gorî bernameya konferansê dê “Bandorên destwerdana pergala global a hegemon li ser jinên herêmê”, “Tecrubeyên jinên kurd di pêxirtengiyên li herêmê de” û “Nêrîna hevrêyê jinan ronakbîr Abdullah Ocalan der barê rêwîtiya azadiya jinan de” werin nîqaşkirin.
