Li Parka Giştî ya Xanesorê ya Şengalê bi pêşengtiya Yekîtiya Jinên Ciwan a Şengalê di çerçoveya pêngava “Jin Jiyan Azadî, Serbixe Azadî” de sînevîzyonek li ser jiyana Rêberê Gelê Kurd Abdullah Ocalan a ku li Îmraliyê di bin tecrîdeke giran de tê ragirtin lidar xist. Çalakî bi beşdariya jinên ciwan û Yekîtiya Ciwanên Êzîdxanê bi deqeyek rêzgirtin despê kir.
Endama yekîtiya Jinên Ciwan a Şengalê Nazlî Hacî qala armanca çalakiya xwe kir û got ku ew tecrîda li dijî Rêberê Gelê Kurd Abdullah Ocalan napejirînin. Hacî got: “Ji ber ku bi demê re tecrîda li ser Rêber Apo giran dibe, em weke ciwanên Şengalê li vir kom bûne û me sînevîzyonek li ser jiyana Rêber Apo temaşe kir. Em tecrîdê qebûl nakin. Dijmin dixwaze ku fikrên Rêber Apo ji ciwanan dûr bixe. Ji ber ku ciwan bi fikr û felsefeya Rêber Apo gihane asta pêşketinê. Çi ji destê me were em ê ji bo Rêberê xwe bikin û li fikrên wî xwedî derkevin.”
Çalakî bi dirûşmên ‘Bijî Serok Apo” û “Bê Serok Jiyan Nabe” bi dawî bû.
