Jineke nasnameya wê nehat zanîn 3 şûşeyên pet ên ku teqemenî û madeyên şewitandinê tê de hebûn danî ber deriyê avahiya hevpar a rêxistina Partiya Demokratîk a Gelan (HDP) û Partiya Çepên Kesk a li ser Cadeya Cemal Gursel a navçeya Seyhan a Edeneyê. Kesa behsa xeberê di saetên serê sibehê de hat ber deriyê daîreyê û petên şûşe danî wê derê. Jineke ku ev rewş ferq kirî agahî da polîsan. Li ser vê yekê komên polîsan li cihê bûyerê hatin veguhestin. Di encama lêkolîna cihê bûyerê de hat tespîtkirin ku di hundirê şûşeyên pet de teqemenî û madeyên şewitandinê hene.
Hevserokê HDP’a Edeneyê Mehmet Karakiş têkildarî bûyerê agahî dan û wiha got: “Saet derdora 10.30’an de jineke dersok li serê wê hebû li derî xist. Piştî ku derî nehatî vekirin, bi qasî 15 deqeyan li ser derenceyan sekinî. Piştre jî şûşeyên pet ên di çenteyê xwe de derxist, danî pêşiya derî û ji avahî derket. Jina ku derdikeve jor ji ewil li zengilê dixe. Di vê navberê de rêveberê me yê li hundir jinê ferq dike û derî venake. Polîsan li cihê bûyerê lêkolîn kirin. Me gilî kir.”
Tiştên li avahiya partiyê qewimîn ji hêla kamerayên ewlekariyê ve jî hatin kişandin. Jina ku di vê navberê de bi rehet tevdigere. Hat zanîn ku ev jin hêj nehatiye girtin. HDP’ê wê saet di 16.00’an de çalakî li dar bixista û balkêşe ku bûyer beriya çalakiyê pêk hat.
Hêjayî bibîrxistinê ye ku DAIŞ’ê jî di 18’ê gulana 2015’an de li dijî heman avahî êrîşeke bombeyî li dar xistibû. Di êrişê de 7 kes birîndar bûbûn.
