Di daxuyaniya FED-KURD’ê de hate gotin: “Di serî de gelê başûrê Kurdistanê divê tevahiya gelê Kurdistanê li ber vê xiyanetê rabe. PDK ji zûdeyî zêdegaviyê dike.”
Di daxuyaniyê de hate ragihandin ku PDK’ê weke piştgiriya ji bo dewleta tirk a faşîst, ji bo êrîşa li ser pêşeng û tevgera azadiyê bang li dewleta tirk kiriye.
FED-KURD’ê diyar kir ku helwesta dema dawî ya PDK’ê banga kuştina parêzvanên Kurdistanê ya li dewleta tirk e û got: “Elî Ewnî tevî ku rêveberekî PDK’ê ye weke rayedarekî dewleta tirk ê li nava PDK’ê diaxive.”
Di dawiya daxuyaniyê de hate gotin: “Em bi navê hemû rêveberî, meclîs, komên baweriyan û pêkhateyên xwe van gotinên dijminane yên li nava PDK’ê bi tundî şermezar dikin û bang li tevahiya gelê Kurdistanê dikin ku li hemberî vê yekê helwestê nîşan bide.”
