Di daxuyaniyê de hat bibîrxistin ku ji tebaxa 2019’an û vir ve tu agahî ji Rêberê Gelê Kurd Abdullah Ocalan nayê girtin û hat gotin: “Gelê kurd agahî li ser tenduristî, rewş û mercên Rêber Apo nagire. Vê bêdengiyê fikarên me yên li ser tecrîda girankirî ya Rêber Apo kûrtir kiriye.
Bi milyonan Kurdistanî ku van pêkanînên dijmirovahî a li dijî Rêber Apo napejirîne û weke êrîşa li dijî vîna xwe dibîne, dixwaze demildest agahî bê girtin. Rêber Apo ne kesek e ji rêzê ye, hemû jiyana xwe daye azadiya gelê kurd û xwediyê felsefeya ronakbîrî û azadiyê ya serdema me ye.”
Di daxuyaniyê de hat diyarkirin ku divê di zûtirîn demê de destûr bê dayîn ku Abdullah Ocalan bi parêzer û malbata xwe re hevdîtinê pêk bîne û banga tevlîbûna çalakiyên li dijî tecrîdê hate kirin.
Di daxuyaniya KON-MED’ê de hat gotin: “Eger îro em ji jiyan, tenduristî û mercên ku Rêber Apo tê de dijî ne xwedî agahî ne, vê rastiyê derdixe holê ku xwedîderketina me ya heyî têrê nake. Ji ber vê yekê weke KON-MED’ê em bang li gelê Kurdistanê, dostên xwe, beşên çep sosyalîst û hemû kesên ku baweriya wan bi nirxên azadiyê heye dikin ku di 2’ê îlonê de bi dirûşmeya ‘Ji Rêber Apo re Azadî û Çareseriya Pirsgirêka Kurd’ di asta herî bilind de beşdarî çalakiyan bibin.”
Di 2’ê îlonê de jî wê li 5 navendan li dijî tecrîdê çalakî bên lidarxistin. Dem û cihên destpêkirina çalakiyan wiha ne:
Dusseldorf
Cih: Dusseldorf DGB Hsus
Saet: 13:00
Berlîn
Cih: Berlîn Breitscheidplatz
Saet: 16:00
Hamburg
Cih: Hamburg, Hauptbahnhof
Saet: 15:00
Hannover
Cih: Ernst Augustusplatz
Saet: 17:00
Strasbourg
Cih: Li pêşiya Konseya Ewropayê
Saet: 10:00
