Daxuyaniya Navenda Ragihandin û Çapemeniyê ya HPG’ê bi vî rengî ye.
“15’ê Îlona 2020’î li Qada Qelanisê ya Xerzanê di êrîş û şerê bi artêşa tirk a dagirker re fermandarê me yê pêşeng hevrê Demhat Cîlo û hevalên me yên hêja yên pê re bi fedaîtî şer kirin Erdelan Şaho, Mordem Norşîn, Warşîn Sekvan û Tolhildan Tekman heta nefesa xwe ya dawî li ber xwe dan û şehîd bûn.
Hevrê Demhat ku mîlîtanê pêşeng ê serdemên pêngavî bû, 10 sal li bakurê Kurdistanê têkoşiya, şer kir û derbên giran li dewleta tirk a mêtinger xistin. Em soz didin em ê li ser rêya fermandarê xwe yê hêja bimeşin û bibin layiqê têkoşîna wî.
Ewladê Egîd ê xelkê me yê Kirmanşan û Yaresan, nûnera hişmendiya neteweyî ya Kurdistanê hevrêyê me Erdelan jî ji bo azadkirina gelê xwe tevlî meşa şoreşê bû û rengê xwe da, cih di nava mîlîtanên pêşeng ên dîroka me ya azadiyê de ku ji bîr nabin, girt.
Sê ewladên egîd ên bakurê Kurdistanê, hevrê Mordem, Warşîn û Tolhildan jî hişmendiya rabûna bi erk û berpirsyariya xwe nirxên nû tevlî têkoşîna me kirin.
Hevrêyên me Mordem, Warşîn û Tolhildan ku karîn bi wêrekiya xwe ya di qada şer de nûnertiya xeta PKK û PAJK’ê bikin mîrateyeke têkoşînê ya bibe mînak li pey xwe bihêlin, şehîd bûn.
Di serî de malbatên hêja yên hevrêyên me Demhat, Erdelan, Mordem, Warşîn û Tolhildan, bila serê hemû gelê me yê Kurdistanê yê azadîxwaz û welatparêz sax be.
Nasnameyên hevrêyên me ku şehîd bûne, ev in:
 |
Nasnav: Demhat Cîlo Nav û Paşnav: Eyup Çelîk Cihê ji dayikbûnê: Amed Dayik – Bav: Salîha – Mehmet Cih û dîroka şehadetê: 15’ê Îlona 2020’an / Xerzan |
 |
Nasnav: Erdelan Şaho Nav û Paşnav: Mensur Nasrî Cihê ji dayikbûnê: Kirmanşan Dayik – Bav: Ekrem – Ehmed Murad Cih û dîroka şehadetê: 15’ê Îlona 2020’an /Xerzan |
 |
Nasnav: Mordem Norşîn Nav û Paşnav: Zafer Koç Cihê ji dayikbûnê: Mêrsîn Dayik – Bav: Nûrten –Rahmetûllah Cih û dîroka şehadetê 15’ê Îlona 2020’an / Xerzan |
 |
Nasnav: Warşîn Sekvan Nav û Paşnav: Dilvîn Can Cihê ji dayikbûnê: Êlih Dayik – Bav: Kiymet – Bayram Cih û dîroka şehadetê: 15’ê Îlona 2020’an / Xerza |
 |
Nasnav: Tolhildan Tekman Nav û Paşnav: Yilmaz Ûzûn Cihê ji dayikbûnê: Erzirom Dayik – Bav: Sona – Îbrahîm Cih û dîroka şehadetê: 15’ê Îlona 2020’an / Xerzan |
