Hêzên Sûriyeya Demokratîk (HSD) li dijî şaneyên veşartî yên DAIŞ`ê û tora madeyên hişbir, di 27`ê tebaxê li herêma Dêrazor û rojhilatê Firatê operasyona bi navê “Xurtkirina Ewlehiyê” da di saet 20.00`an de destpêkirin. Ji destpêkirina operasyonê 3 saet şûnde dewleta tirk êrîşên nû yên li dijî herêmên Bakur û Rojhilatê Sûriyeyê destpêkir. Di encama êrîşan de ji heman malbatê 4 zarok û jinek şehîd ketin.
Bîlançoya 9 rojan a êrîşên dagirkeriyê;
* Dewleta tirk a dagirker destpêkirina operasyonê 3 saet şûnde gundê Um El Kêf ê rojavayê navçeya Til Temirê bi çekên giran topbaran kir.
* Di 28`ê tebaxê de dewleta tirk a dagirker gundê El Şêx Elî yê bakurê Til Temirê bi çekên giran topbaran kir.
* Balafireke bê mirov a bi çek a dewleta tirk a dagirker di 29`ê tebaxê de gundê Merenaz ê girêdayî navçeya Şerayê ya Efrînê bombebaran kir.
* Artêşa tirk a dagirker di 30`ê tebaxê de gundê Dirdara yê li bakurê navçeya Til Temirê topbaran kir.
* Di 31`ê tebaxê de dewleta tirk a dagirker gundê Dirdara yê Til Temirê bi çekên giran topbaran kir.
* Dewleta tirk a dagirker û çeteyên girêdayî wê 1`ê îlonê de gundên bakur û rojavayê Minbicê Ewn Dadat, Muhsenlî, Ereb Hesen, Um Cilûd, Seyade û Dendeniyê êrîş kirin. Meclîsa Leşkerî ya Minbicê êrîşan têk birin. Di encama êrîşan de ji heman malbatê 4 zarokên bi navê; Amir Xalid El Ferc (15), Amir Fehed El Ferec (10), Malik Fehed El Ferec (18), Zeyneb Mihemed El Ferec (14) şehîd ketin. Li gundê Ewn Dadat ê bakurê Minbicê jî welatiyê bin navê Bozan Hisên (40) birîndar bû.
* Dewleta tirk a dagiker û çeteyên girêdayî wê 2`ê îlonê de êrîşî gundê Gozeliyê yê li hember rêya M4 û gundewarê rojavayê navçeya Til Temirê bi çekên giran topbaran kir.
* 2 îlonê de artêşa tirk a dagirker gundên bakur rojhilat û bakur rojavayê bajarê Minbicê topbaran kir. Li gundên Til Refîi (li bakur rojhilatê Minbicê), Dendeniyê (li bakur rojavayê Minbicê) ji ber topbaranê hejmareke welatî birîndar bûne.
* 2`ê îlonê de, balafirek firokevan a dewleta tirk a dagirker saet derdora 16.30’an de li ser rêya giştî ya di navbera Girkê Legê û Dêrikê de li nêzî çerxerêya gundê Dugirka yê seyareyek bombebaran kir.
* Dewleta tirk a dagirker û çeteyên girêdayî wê di 2`ê Îlonê gundê El Huriye yê rojavayê kantona Girê Spî topbaran kir.
* Dewleta tirk a dagirker 2`ê îlonê gundê Şêx Îs yê kantona Şehbayê topbaran kir.
* Di saetên dereng yên 2`ê îlonê de çetetê dewleta tirk a dagirekr êrîşî gundên Minbicê kirin. Di encama êrîşan de çeteyan bi ser mala welatiyê bi navê Mihemed Îbrahîm El Hac Ebdullah a li Mezraya Mehmûd de girtiye, bi kêrê êrîşî jina bi navê Fatme El Hac Mihemed El Xilêf (70) kiriye. Di encamê de jina 70 sali hate qetilkirin û hevjîna kurê Mihemed Îbrahîm El Hac Ebdullah giran birîndar bûye. Her wiha 2 birayên malbatê; El Hac Ebdullah û birayê wî Ehmed revandine.
* 3`ê îlonê dewleta tirk a dagirker û çeteyên girêdayî wê, bi bejahî êrîşî gundên Tawila, Til Tewil û Xemsîn ên girêdayî Til Temir kirin. Meclîsa Leşkerî ya Til Temirê jî bersiv da û pevçûn derketin.
*Di 3`ê îlonê saet 06:40’an de artêşa dewleta tirk a dagirker û çeteyên wî ji bejahî ve êrîşî gundê Sigêro yê dikeve rojhilatê navçeya Eyn Îsayê û rojavayê gundê Tirwaziyê kirin. Şervanên Meclisa Leşkerî ya Girê Spî bersiva êrîşê dan û şerekî dijwar derket. Di encama şer de çeteyek hat kuştin û yekî din jî birîndar bû. Çeteyan di heman demê de noqteyeke hêzên hikumeta Şamê kirin hedef. Di encamê de leşkerekî hikumeta Şamê hat kuştin û yek jî birîndar bû.
* Artêşa tirk a dagirker û çeteyên wê 3`ê îlonê de êrîşî gundê Tawîla, Til Tewîl, Gozeliyê û Xemsîn kir. Di encama bersivdayînê de kuştî û birîndarên çeteyan çêbûn. Heman demê nuqteyên hêzên hikumeta Şamê kirin hedef. Di encamê de bi kêmanî 5 leşkerên Şamê hatine kuştin.
