Wekîlê DEPî yê Mêrdînî Mehmet Sîncar û îdarekarê DEPî yê êlihî Metîn Ozdemîr 4ê êlula 1993yî de Kuçeyê Elma yê êlihî de ameybî qetilkerdene. Serrgêra 30. ya qetilkerdişê înan de kuçe de merasîmê yadkerdişî ame kerdene. Keyeyê Sîncarî, îdarekarê HDP, DBP, Partîya Çep a Keske û TJA, Mayê Haştîye, Hemşaredarê Êlihî Mehmet Demîr û Songule Korkmaz, wekîlê Partîya Çep a Keske Zeynepe Oduncu û Omer Faruk Gergerlîoglu tewrê merasîmî bîyî.
Cinîya Mehmet Sîncarî Cîhane Sîncar merasîm de pare kerd ke dewlete kiştoxan pawena û vat: ”Kiştoxan vat ke ‘ma nameyê dewlete ser o ê qetil kerdê’ û AKPyî ê efû kerdî. Se beno wa bibo ma do qetî nê qirkerdişî xo vîr a nêkerê.”
Omer Faruk Gergerlîogluyî zî dîyar kerd ke dewlete wazena ke bi bahaneya ‘wextvîyartişî’ sereyê nê qirkerdişî bigêra û vat: ”Heta ke edalet bêro caardene ma do têkoşînê xo rê dewam bikerê û qetî na dewa ra fek vera nêdê.”
Girseyî dima cayê qetilkerdişî de qeranfîlî nayî ro. ÊLÎH
