‘Rayraşîyayîşê Azadîye’ yo ke hetê nizdê 240 ciwananê kurdan û enternasyonalîstan ra semedê azadîya fîzîkîye ya Rayberê Şarê Kurdî Abdullah Ocalanî ame organîzekerdene, dewam keno. Cinîyan ê ciwanan çalakîya vizêrî de bale ante hemleya “Jin Jiyan Azadî Serbixe Azadî” ser.
Roja hîrêyin a çalakîye serkêşîya cinîyan de dest pêkerd. Ciwanî serê sibayî îstasyonê trenan ê Oberhausenî de ameyî têhet. Cinîyî bi fularanê moran, pankertê “Jin Jiyan Azadî Serbixe Azadî” kirişt.
Ciwanî vizêr heta merkezê Duisburgî rayra şîyî û bale ante azadîye fîzîkîye ya Rayberê Şarê Kurdî Abdullah Ocalanî ser. Saetanê şanî de derheqê polîtîkayanê şerê taybetî yê vera cinîyan û têkoşînê xopawtişî ê cinîyan de semîner ame kerdene.
Ciwanî ewro do Neussî ra heta Dusseldorfî rayra şirê. Roja 5. de, 8ê êlule de do Kolnî ra hetê merkezê Mulheimî rayra şirê û tîya rayraşîyayîşê xo biqedînê. DUISBURG
