Li Fasê 8’ê îlonê saet di 23.11’an de bi pileya 7 erdhejeke dijwar çêbû. Erdheja ku navenda wê herêma El-Huz a Marakeşê bû bandoreke mezin li ser herêmên Azîlal, Varzazat, Şîşava û Tarudant kir. Di encama erdhejê de gelek avahî hilweşiyan û bi hezaran kes di bin kavilan de man. Hat zanîn ku xebatên ji bo rizgarkirina welatiyan bênavber didomin. Wezareta Karên Hundir a Fasê diyar kir ku hejmara qurbaniyên erdhejê derket 2 hezar û 12 kesan. Hat ragihandin ku rewşa hezar û 404 birîndaran gelek giran e. Piştî erdhejê li seranserî welêt ji bo 3 rojan “Şîna neteweyî” hate ragihandin.
