Konferansê Cinîyan ê Partîya Çep a Keske 8-9ê êlule de amebi kerdene. Netîcenameyê konferansî ame eşkerakerdene.
Netîcename de ame parekerdene ke projeyê seserra Tirkîya dişmenîya cinîyan ser o ronîyayo. Netîcename de ame îfadekerdene ke bi çaresernêkerdişê meseleya kurdan destkewteyê kurdan her ca de yenê hedefkerdene. Netîcename de wina ame vatene: ”Îqtîdar seba ke payan ser de bimano tecrîdê Îmraliyî giran keno û bi tecrîdî îxtîmalê haştîye werte ra wedarneno. Ganî no tecrîd cade bêro wedaritene.
Hêrişê vera goristanan, zereyê qutuyan de şawitişê cenazayan, îşkenceyê vera tepişteyan mojnenê ke ma dişmenêkê senînî de têrî yê. Şaranê Tirkîya rê bi polîtîkaya şer û tecrîdî xizanîye yena ferzkerdene. Ma teslîmê ney nêbê. Ma do vera şer û tecrîdî têkoşînê hîrayî bikerê.
Ma bi şîarê ‘vera faşîzmî xoverdayîş meşrû yo’ destkewteyanê cinîyan bipawê û têkoşînî berz bikerê. Ma do têgêrayîşanê cinîyan reyde têkoşînê hemparî bikerê û tecrîdî bişiknê. Ma do kêmasî û qelsîyanê xo çareser bikerê, xo newe bikerê û aver şorê. Ma do bi qerardarîya xoverdaîşî têkoşînî rê dewam bikerê.
Ma meclîsanê cinîyan ê herêmîyan bi perspektîfê têdûştîye awan bikerê. Nê rayraşîyayîşê xo yê têkoşînê cinîyan ê yewbîyayeyî de ma do kêmasîyanê xo çareser bikerê. Vera hêrişan ma reyna vanê ke ma est ê û do est bê.” ANQARA
