Ji bo daxwaza azadiya Rêberê Gelê kurd Abdullah Ocalan û girtiyên siyasî, ji bo parastina azadî û mafê diyarkirina çarenûsa xwe ya gelê kurd di 13’ê îlonê de (îro) li bajarê Mîlano yê Îtalyayê bi dirûşma ‘Dema hêviyê’ çalakiyeke çandî û siyasî tê lidarxistin.
Buroya Enformasyonê ya Kurdistanê ya Îtalyayê û Rete Kurdistan Îtalya çalakiyê lidar dixin. Partiya Komunîst a Jinûve Avabûnê ya Îtalyayê jî piştevaniyê jê re dike.
Fikrên Rêber Apo hêvî da gel an
Saziyên amadekar ji bo tevlîbûna li çalakiyê bang kirin û işaret biya li ser Rêberê Gelê kurd Abdullah Ocalan kirin. Di daxuyaniyê de hate ragihandin ku Abdullah Ocalan li gel pirsgirêka kurd û Rojhilata Navîn her wiha bi tezên xwe yên li ser demokrasiya radîkal û Konfederalîzma Demokratîk ji gelên cihanê bi taybetî jî gelên herêmê re bûye hêvî. Her wiha hate bibîrxistin ku dewleta tirk ji bo têkbirina destketiyên herêmî yên kurdan êrîşên giran dike.
Pêwîste gel ên cihanê Şoreşa Rojava biparêze
Di dewama daxuyaniyê de hate gotin: “Rejîma otorîter a Erdogan bi dagirkeriyeke berfireh gefê li Rojava dixwe, ku Rojava li dijî DAIŞ’ê şer kir û ew têk bir.” Saziyan diyar kirin ku Şoreşa Rojava ya li ser paradîgmaya demokratîk, azadîparêziya zayendî ya bi fikrên Abdullah Ocalan ava bû, divê ji aliyê gelên cihanê ve bê parastin.
Bi daxwaza azadiya Ocalan wê konserek mezin bê lidarxistin
Çalakî wê saet di 18:00 de destpê bike û karîkaturîstê navdar Zerocalcare, Siyasetmedara Kurd Hazal Koyûncûer, edîtorê weşanxaneya Pûnto Rûsso Roberto Mapellî û Rojnamevan Gîacomo Sînî tevlî bibin. Di vê bernameyê de wê fikir û pirtûkên Abdullah Ocalan bêne nîqaşkirin.
Saet di 20:00 de jî wê bi beşdariya hunermend Alesio Lega, Marco Revelli, Berfin Demir, Renatı Franchi, Asti Abdo, Rap Caverna Posse, Yung Paninaru, Ellie Cottino û Assalti Frontali bi dirûşma ‘Azadî ji Abdullah OCalan re’ konsereke mezin bê lidarxistin.
Navnîşana konsera mezin bi vî rengî ye:
Parco Delle Cascine di Chiesa Rossa
Via San Demenico Savio, 3 Milano
