Roniştişê dewaya vera Qirkerdişê Sêwasî (Madimakî) vizêr Mehkemeya Cezaya Girane ya Anqara de ame kerdene ke dewa de versûcê fîrarîyî Murat Sonkur, Eren Ceylan û Murat Karakaş ameyêne muhakemekerdene. Sere de komelê elewîyan Hemvervatoxa Partîya Çep a Keske Çîgdeme Kiliçgun Uçar, Wekîlê Partîya Çep a Keske Sevîlaye Çelenk û Celal Firat tewrê roniştişî bîyî.
Dewa de hêverî avûkat Şenal Sarihanî qisey kerd û vat: “Wa Almanya ra bêro waştene ke hîrê fîrarîyan zî bida.”
Serekê Komeleya Pîr Sultan Abdalî Cuma Erçeyî dîyar kerd ke reya verêne heqê qiseykerdişî dîyeno komeleyanê elewîyan û vat: “Ganî mehkeme hetê mexdûran de biba. Hîrê versûcê qirkerî bi hawayêkê organîzekerdeyî remayî.”
Avûkat Coşkun Ozbekîroglu, Ozturk Turkdogan û Ayça Çaglar zî waşt ke wa seba qurbananê qirkerdişî edalet bêro caardene û dewa nêra betalkerdene.
Heyetê mehkeme pêro waştişê avûkatan red kerdî. Dozgerî mutalaya xo de vat ke dewa ser ra 30 serrî vîyartê û ganî dewa bikewa. Naye ser o salone de girseyî nêrazîbîyayîş mojna. Wexto ke heyetê mehkeme bire dayêne polîsî kewtî zereyê salone. Girseyê salone polîsan rê vat ke ‘şorê kiştoxan bitepişê’ û polîsî vejîyayî teber.
Heyetê mehkeme bire daye ke seba ke dewa ser ra wext vîyarto dewa bêra bêtalkerdene. ANQARA
