Koçberên ji Efrînê hevkariya ENKS û PDK’ê ya bi dewleta tirk a dagirker re şermezar kir û xwestin dawî li xiyaneta ENKS û PDK’ê bê.
Emîne Osman diyar kir ku ENKS fermanên mala Barzanî û partiya wê PDK’ê pêk tîne û wiha got: “PDK li gel dewleta tirk li dijî projeya neteweya demokratîk û Rêveberiya Xweser disekine û planên dewleta tirk pêk tîne. Serdana endamê ENKS’ê Ebdulhekîm Beşar bo Efrîna dagirkirî bi armanca rewakirina dagirkeriya tirk a li Efrînê ye da ku dagirker kiryarên çewsîner li dijî gelê kurd ê li Efrînê zêdetir bike, wêneyê komên leşkerî yên çete yên terorîst xweşik nîşan bide, her wiha guhertina demografî ya plankirin û polîtîkayên tirkkirinê xurt bike.”
Her wiha Mistefa Şêrewî wiha got: “Saziya Barzanî ku îdia dike saziyeke xêrxwaziyê ye, bi xwe saziyeke îstîxbaratî ya girêdayî PDK’ê ye. Ev sazî xizmeta berjewendiyên Tirkiyeyê yên guhertina demografî, avakirina mêtingehan û koçberkirina kurdan dike. Lê belê gel wê tevahî siyaseta wan têk bibe.”
Osman Ebdo wiha anî ziman: “Dewleta tirk a dagirker dijminê gelê kurd e, ji ber ku dijminê bav û kalan nabe û dostê lawan, lê ENKS’ê kurd e, lê xayîntiya xwe ya li dijî kurdan re berdewam e. Edî bes, bila xiyanetiyê neke, lê nikare dest ji xayîntiya xwe berde, ji ber ku di xwîna wan de tê meşandin. Bila dawî li xeta xiyanetiyê bê.”
Her wiha Edul Ehmed wiha got: “Xiyaneta ENKS’ê, em şermezar dikin. Êdî diyare ku destê ENKS’ê di kuştina gelê kurd de heye. Êdî bes e ji xiyaneta te re, êdî destê te di kuştina gelê kurd û talankirina malên Efriniyan de jî heye. Êdî nebe hevkarê dewleta tirkan.”
