Endama Koordînasyonê KJKyî Besê Erzîncan beşdarê bernameyê ‘Xwebûnî’ yê JIN TVyî bîye û rojdem ercna.
Qiseykerdişê Besê Erzîncan ra tay noqtayê girîngî wina yê:
”Çalakîyanê vera sîsteê kapîtalîstî de ciwanî cepheyê verênî de yê. Mîyanê komelê kurdan zî rewşe wina ya. Wexto ke Newroze yena ciwanî cade vejîyenê waran. Mîyanê gerîlayan de ê ciwanî fedakar ê. Ciwanî her hetî ra serkêşîye kenê.
Sîstemê modernîteya kapîtalîste nêwazeno ke ciwanî azad bibê û ciwanan rê fuhuş û kundoxî ferz keno. Sîstem keno ke ciwanî bê îrade bikerê û sîyasetî ra dûrî bivisno. Sîstem nêwazeno ke ciwanî xo bişinasnê, derheqê xo de biran bidê û seba welatê xo bixebitê.
Raşt o mîyanê ciwanan de bêhêvîtîyêka pîle est a. La cewabo tewr pîl Rayber Apo yo. Bi taybetî cuye, fikr û têkoşînê Rayber Apoyî meseleyan rê cewabo tewr pîl o. Ciwanî xo mîyanê cuye de bê qîmetî hîs kenê. Kurdîstan de vera ciwanan hêrişê pîlî yenê kerdene. Rojhelatê Mîyanênî de û dinya d nika cinîyê kurdî serkêşîye kenê.
Dişmen Kurdîstan de çarçewa polîtîkayanê şerê taybetî de keno ke ciwan û cinîyan kultur û xoverdayîşî ra dûrî bivisno. Seba ney zî fuhuş û madeyanê kundoxî mîyanê komelî de vila keno. Kurdîstan de hêzê asayîşî yê dewlete cinî û domananê kênayan rê tacîz û tecawuz kenê. Ganî cinî û ciwanî vera nê kerdişan xo rêxistin bikerê. Eke cinîyî teyna bimanê dewlete kena ke nînan bixapîna.
Her çiqas dişmen vera cinî û ciwanan hêrişanê pîlan keno zî ciwan û cinîyî serkêşîya xoverdayîş û têkoşînî kenê. Ciwanê kurdî fikrê Rayberê Şarê Kurdî Abdullah Ocalanî, têgêrayîşê azadîye û xeta şehîdan şinasnenê û vera dişmenî apey game nêerzenê. Dişmen se keno wa bikero ciwanî do apey game nêerzê.” BEHDÎNAN
