Dadgeha Navnetewî ya Parîsê ku navenda wê li Parîsê ye, di dosyaya hinartina petrolê ya rasterast a ji bo dewleta tirk de, ji aliyê hikûmeta Başurê ve, di 25’ê adarê de Tirkiye hinartina petrolê ya ji Bakurê Iraqê bo bendera Ceyhanê rawestand û PDK’ê sewq kir. Başûr bi rêya şîrketa Lanazê hate hînbûn ku bi dizî petrola xwe pêşkeşî şîrketên MHP’ê kiriye.
Li gor agahiyên ku bi dest ketine, bi gundê Giverê re 37 deqîqe dûrî Hewlerê ye û nêzî herêma ku febrîqeya ESC (Şirketa Pola ya Hewlêrê) ya ku hesin û pola hildiberîne lê ye. Neft û mazot ji aliyê kompaniya Lanaz a ser bi PDK û MHPê ve li parêzgeha Osmaniye ya Tirkiyê tê hilberandin û ji kompaniyên li Tirkiyê re tê şandin.
Piştî biryara firotina nefta Başûr a Bexdayê bi rêya SOMO (kompanyaya niştimanî ya nefta Iraqê) û şandina hemû petrola SOMO’yê, PDK/Barzanî li gorî berjewendiyên xwe bûne şirîkê şîrketa Lanaz. Her çend xwediyên sereke yên şîrketê karsaz Metîn Ozer û Emîn Ozer bin jî, hat hînbûn ku Nêçîrvan Barzanî şirîkê wê şîrketê ye.
Karkerên şîrketê tev faşîstên AKP-MHP’ê nin
Xwediyên şirketê Metin Özer û Emin Özer tenê ji rêvebirina şirketê berpirsiyar in û kar û barên di şirketê de ji hêla şirketa taşeron a bi navê Talaytech ve tê meşandin. Serokên Şîrketa Avahiyê ya Talay Paîz (Talaytech) ku di serî de endazyariyê, hilberîn, binesazî, avahîsaziyê û xizmetên lênêrînê dide bazarên neft, gaz, enerjî, petrokîmya û pîşesaziyê, Mehmed Cintosun, Mustafa Cintosun û Osmaniyelî Îbrahîm Adakli yên MHPê ne.
Piraniya xebatkarên şîrketê ji aliyê patronên şîrketa taşeron a Talaytech a ku li jor behs kirî, tên bicihkirin, ji sedî 81’ê karkeran ji faşîstên AKP-MHP’ê yên Osmaniyê pêk tên.
Ewlehiya şîrketê hêzên PDK’ê dike
Hate diyarkirin ku şîrketa Lanaz a ku petrol û mazota başurê Kurdistanê bi dizî dihat çêkirin û difroşin dewleta tirk a dagirker, bi blokên betonê yên 25 ton hatiye dorpêçkirin û 3 deriyên ketina wê yên bi ewlekariya bilind hebûn. Hat zanîn ku Nêçîrvan Barzanî ku ji bo veşartina karê xwe yê qirêj giringiyê dide ewlehiyê, hêzeke taybet ji nêzîkî 50 endamên PDKê ji bo dabînkirina asayişa kompanyayê erkdar kir û yek ji fermandarên pêşmerge Yûnûs wek serokê wan destnîşan kir.
Dema ku serokên şîrketê li herêmên taybet ên ku li herêma ku şîrket lê ye dimînin, parêzvanên wan ji 7 heta 8 kesan pêk tê ku ji hêzên taybet ên PDK’ê hatine hilbijartin. Her wiha hat ragihandin ku Emîn Ozer, Metîn Ozer û Nêçîrvan Barzanî li yek ji herêmên taybet ên hatine diyarkirin civîn li dar xistine û her çend ji bilî hêzên PDK’ê yên hatine destnîşankirî ketina hundir qedexe ye, lê bi qertan destûr tê dayîn.
Mazot û benzînê ji Kerkûk û Besrayê tînin
Li gor zanyariyên ku me ji çavkaniyên pêbawer hatine bidest xistin, her meh zêdetirî 1000 kamyonên tijî petrola xav û mazotê ji Besra û Kerkûkê tên şîrketa Lanaz ku Nêçîrvan Barzanî şirîkê wê ye. Hat diyarkirin ku neft û mazota ku li vir tên çêkirin û hilberandin ji Tirkiyeyê û bi taybetî jî ji Osmaniyeyê re tên şandin.
PDK di hevkariya xwe ya bi TC re tu sînoran nas nake
PDK’ê ji bo hemû destkeftiyên gelê kurd ji holê rabike, hemû dewlemendiyên ser erd û bin erd radestî dijminên gelê kurd bike û li gorî berjewendiyên malbata Barzanî bikar bîne, bi dewleta tirk a dagirker re ketiye nava hevkariyek bingehîn.
Êrîşên dagirkeriyê yên di bin navê tasfiyekirina tevgera gerîla ya li başûrê Kurdistanê de hatin destpêkirin, gelê Başûr yek bi yek ji dewleta tirk a dagirker re kirin qurbanî û derî li her cure binpêkirinan li ser gelê kurd hate vekirin. PDK ku di van êrîşan de bi dewleta tirk a dagirker re di her cure hevkarî û xiyanetê de ye, her tim behsa Kurdistanîbûna xwe dike, di heman demê de petrol û mazot a Başûr pêşkeşî dijminê herî dijwar ê kurdan faşîstên AKP-MHP’ê dike.
