Çavkaniyekî ji navçeya Şera diyar kir ku doh çeteyên ′Sultan Murad′ welatiyê bi navê Horîk Horîk ê ji gundê Îkidamê yê navçeya Şera revand û ber bi cihekî nediyar ve bir.

Li gorî çavkaniyekî din jî çeteyên dewleta tirk a dagirker mewsima zeytûnan a li zeviyên di navbera gundên Qîbar û Meşalê yên girêdayî navenda kantona Efrînê ya dagirkirî de dizîn. Ew zevî yên Mihemed Osman, Îmad Osman, Cihad Osman, Ebdulmenan Şêx Mûsa, Yehya Şêxo û Zekeriya Şêxo ne.

Heman çavkanî destnîşan kir ku çeteyan bi rêya ço û qutkirina çiqilan bi awayekî ketober da ku dizî hêsan bibe û veguhêzin guvaştgehên zeytûnan li Ezaz û Efrînê yên dagirkirî, zeytûnan talan dikin.