Komîteya Rêveber a Tevgera Şoreşê ya Yekbûyî ya Gelan (HBDH) daxuyaniyek weşand û destnîşan kir ku çalakiya fedaî di rêya rizgariya gelên Tirkiye û Kurdistanê de çalakiyeke girîng e û wiha hat gotin: “1’ê Cotmeha 2023’an li Enqereyê roja ku Meclîs dest bi kar bike li pêşiya Midûriyeta Giştî ya Emniyetê ya Wezareta Karên Hundirîn çalakiyeke fedayî hate kirin. Çalakî hem çalakiyeke hişyarkirinê bû, hem jî ji ber ku li Enqereyê hate kirin bi rengekî topyekûn li hemberî faşîzmê bû. Ev çalakî di riya rizgariya gelên Tirkiye û Kurdistanê de çalakiyeke girîng e. Çalakî gihîşt armanca xwe, di dîroka têkoşînê ya gelên bindest de, pêşî li serketinên şoreşgerî yên paşerojê vekir. Faşîzma AKP-MHP’ê hewl da vê çalakiya şoreşgerî sabote bike, windahiyên xwe veşêre, bi qedexeya weşanê hewl da rastiyê bereveajî bike, lawaziya xwe veşêre. Li gel van astengiyan hemûyan jî bi vê çalakiya fedaî ya li navenda Enqereyê ku dewletê xwe lê ewle didît, desthilatdariya faşîst, sîstema talankerî, mêtingerî û dagirkeriyê hejand.”
‘Her çalakî wê gelê me nêzî serkeftinê bike’
Di dewama daxuyaniyê de hate ragihandin ku bi vê çalakiya fedaî re desthilatdariya faşîst hem nîşaneya êrîşa dagirkeriyê ya li dijî Rojava da hem jî dest bi amadekariyan kir û wiha domand: “Bloka faşîst a AKP-MHP’ê li her derê dest bi êrîşê kir, operasyonên dagirkeriyê pêk anî û hewl da nîşan bide ku xurt e. Mêtingerî, dagirkerî, rant, talan û her cûre sûcên şer ji bo wan weke nîşaneya xurtbûnê ye. Lê belê çalakiya fedayî ya li Enqereyê nîşan da ku desthilatdariya faşîst mîna pilingekî ji qertonê ye. Bi tu êrîşa dagirkeriyê û sûcên şer wê nikaribe lawaziya xwe binixumîne. Her çalakiyeke şoreşgerî wê gelên me hinekî din nêzî serkeftinê bike. Çalakiya hevrê Rojhat Zîlan û Erdal Şahîn a li Enqereyê têkoşîna gelan a li ser rêya azadiyê hîn mezin kiriye. Banga vê çalakiya dîrokî ya li gelên me jî ew e ku têkşoîna şoreşê ya yekbûyî mezin bike. Dem dema bersivdana li vê bangê ye.”
