Kongreya Komelanê Demokratîkan ê kurdîstanijan ê Ewropa (KCDK-E) bi eşkerayîyêke vera hêrişanê dewleta tirke yê serê Rojawanî venga pêro kurdîstanijan da.
Eşkerayîye de dîya zanayene ke dewleta tirke ya îşxalkere wazena ke şarê Rojawanî qir bikera û verê çimanê dinya de Kurdîstanî îşxal bikera. KCDK-E vist vîrî ke Rojawan binê tehlukeyêkê pîlî de yo û Şorişê Rojawanî hedef o.
KCDK-E vat: ”Ma venga pêro şarê ma yê Ewropa û dinya danê ke her ca de wayîrê Rojawanî vejîyo, çalakîyan rêxistin bikero û bi pêro îmkananê xo seferber bibo, qetî kuçeyan terk nêkero. Ma venga pêro meclîsanê xo, cinî, ciwan, doman, şorişgêr-demokrat, roşnvîr û her kesî danê ke bi şîarê ‘Her ca Rojawan, her ca Kurdîstan’, ‘Xoverdayîş est o, teslîmîyet çin o’, Bijî Serok Apo’, ‘Artêşa tirke ya îşxalkere Kurdîstanî ra def be’ seferber bibê.”
