TCŞ û TêkoJIN’ê daxuyaniyek nivîskî da û ev tişt parve kir: “Dewleta tirk a dagirker ji bo pêkanîna qirkirina Kurdan, êrîşî Rojava dike. Li ber raya giştî ya navneteweyî li Kurdistanê êrîşa qirkirinê dide destpêkirin û dixwaze Kurdistanê dagir bike. Çawa ku ciwanên leheng û bi wêrek li Kurdistanê destanan dinivîsînin û li Zap, Metîna û Avaşînê û gelek derên mînaka cesaretê raber dikin û dîrokê dinivîsînin, îro jî divê her kes li dijî êrîşên dagirkeriyê bi ruhê seferberiyê qadan veguherînin dojehê.
Bila her ciwanek kurd ê li Ewropayê vê yekê baş bizane ku her kêliya ku em bisekinin wê bombe li me bibarin. Divê em li kolanan hêrs û bertekên xwe nîşa bikin. Divê em ji bîr nekin ku her gavekî ku em bavêjin, wê gelek tiştan biguherîne. Roj roja parastina destkeftiyên Rojava ye. Roj roja fetisandina faşîzmê ye. Roja roja bi pêngava ‘Cenga Azadiyê Serbixe’ têkoşîn kirin û daketina kolanan e.”
