Şêniyên navçeya Tirbespiyê ya girêdayî kantona Qamişloyê têkildarî hevkariya PDK`ê di êrişên dewleta Tirk a dagirker ên li ser Herêmên Medyayê de, ji ANHA’yê re axivîn.
Welatiyê bi navê Silêman Hisên pesna fedakariyên gerîla ji bo parastina gelê Kurdistanê û doza wê da û got: “Ew parêzvanên doza Kurd in û ji bo azadiya gelê Kurdistanê li ber xwe didin. Em helwestên PDK’ê yên destekdayîna êrişên qirkirinê yên dijî gerîla, her wiha helwesta wan a dawîn ku têkoşîna Kurdan û çalakiyên wan wekî teror bi nav kiribû, şermezar dikin.”
Silêman Hisên anî ziman ku divê siyasetên PDK’ê yên li dijî doza kurd û îxaneta wê were teşhîrkirin.
Welatiya bi navê Buşra jî destnîşan kir ku xiyaneta PDK’ê li ber çavan e û ji bo bidawîanîna li vê îxanetê divê gelê Kurd yek helwestê nîşan bide.
Yûnis Ereb jî diyar kir ku PDK ne tenê destek da dagikerên mîna dewleta tirk, lê belê piştgirî da çeteyên wê yên li Efrîn, Serêkaniyê û Girê Spî jî û wiha got: “Ev helwest nakevin çarçoveya siyasetê, lê belê veguherîne xiyaneteke mezin a li hember gelê Kurd û doza wî.”
Yûnis Ereb bal kişand ser girîngiya parastina destkeftiyên gelê Kurdistanê û bilindkirina têkoşîna li hember siyasetên qirkirin û xiyanetê yên dewleta dagirker a tirk û PDK’ê.
