Çarçewa Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ de eşkerayîyê destekî dewam kenê. Îdarekarê Konfederasyonê Sendîkayanê Karkeranê Afrîkaya Başûre (COSATU) Motlasi Tsubaniyî eşkerayîye daye çapemenîye û venga pêro kesan da ke tewrê hemle bibê.
Tsubaniyî bale ante ser ke şert û mercê tecrîdê vera Rayberê Şarê Kurdî Abdullah Ocalanî resayê astêka tehlukeyêne û vat: ”Vera tecrîdê Îmraliyî, tecrîdê vera tepişteyanê sîyasîyan û binpaykerdişê heqanê tepişteyan ma veng danê ke cade krîterê Mandelayî sebba Abdullah Ocalanî bêrê caardene û peynîya tecrîdî bêra ardene. Abdullah Ocalan lîderê PKKyî yo. Şarê kurdî seba azadîya xo vera kolonyalîzmî xo ver dano.
Hemrayê ma Abdullah Ocalan sey embaz Mandelayî wayîrê cuyêka sîyasî yo. Avûkatê Mandelayî Essa Moosa vat ke tecrîdê vera Ocalanî ê Mandelayî ra giranêr o. Seba azadîya embaz Ocalanî û têkoşînê şarê kurdî sey COSATUyî erkê ma yo ke ma têkoşîn bikerê. Pêro dinya seba azadîya Mandelayî xo ver da û bi awankerdişê yewîye heta azadîye têkoşîn kerd. Ma venga pêro sendîka, dewlete û têgêrayîşanê dinya danê ke paştî bidê na hemle. Embaz Mandelayî vatbi ‘Ez parçeyêkê xoverdayîşê kurdan a. Ez sey înan a.’ Ma zî vanê ke cade Abdullah Ocalanî rê azadîye!”
