4’emîn Kongreya Partiya Çepên Kesk a Mezin, li Salona Sporê ya Ataturkê ya Enqereyê bi dirûşma “Ji bo azadiyê” pêk hat. Ji çar aliyên Tirkiye û Kurdistanê bi hezaran kes tevlî kongreyê bûn. Ji ber tevlîbûna zêde gelek kes li derveyî salonê man. Li kongreyê tim û tim dirûşma “Bijî berxwedana Rojava” bilind bû. Li hundir û derveyî salonê govend tê gerandin.
Dîwana kongreyê li ser pêşniyara guhertina navê Partiya Çepên Kesk, bibe Partiya Wekhevî û Demokrasiyê ya Gelan (HEDEP) pêşkêşî dengdayînê kir. Pêşniyara HEDEP’ê bi yek dengî hat pejirandin. Meral Daniş Beştaş bi gotina ‘Tu bi xêr hatî HEDEP’ navê HEDEP’ê îlan kir.
Çareseriya demokratîk a pirsgirêka kurd, tecrîda li ser Rêberê Gelan Kurd Abdullah Ocalan û destûra bingehîn a nû ojevên bingehîn ên kongreyê bûn. Seroka Dîwanê Meral Daniş Beştaş dema ku got: “Em silavan ji Îmraliyê e dişînin” hemû beşdarên kongereyê rabûn ser piyan bi deqeyan bênavber dirûşma “Bijî Serok Apo” berz kirin. Di axaftinên hatin kirin de daxwaza azadiya fîzîkî ya Rêber Apo hat kirin û her wiha bang li dewleta tirk hat kirin ku dawî li êrîşên ser kurdan bîne.
Piştî axaftinan ji bo rêveberiyê hilbijartin pêk hat. Di encama hilbijartinê de Tulay Hatîmogûllari Orûç û Tuncer Bakirhan wekî hevserokên HEDEP’ê hatin hilbijartin. Her wiha endamên Meclîsa Partiyê, Lijneya Dîsîplînê ya Navendî û Lijneya Lihevhatinê jî hatin diyarkirin.
