Şaristananê Mannheim, Bordeaux û Londonî de şehîdê têkoşînê azadîye bi merasîmanê hîrayan ameyî yadkerdene.
Şaristanê Mannheimî yê Almanya de 29 şerwanê Hêzanê Asayîşê Zereyî ameyî yadkerdene ke hêrişê dewleta tirke yê vera Dêrikî de şehîd bibî. Keyeyê şehîdan zî tede xeylêk kesî tewrê merasîmî bîyî. Qiseykerdişan de ame parekerdene ke şarê Rojawanî rixmê hêrişanê dewleta tirke zî do tim wayîrê şorişî vejîyo.
Şaristanê Bordeauxî yê Fransa de şehîdê menga teşrîna verêne Merkezê Komelê Demokratîkî yê Kurdan de ameyî yadkerdene. Merasîm de derheqê qewimîyayîşanê sîyasîyan ê peyênan, rewşa rêxistinîye, hêrişanê dewleta tirke û xoverdayîşê nikayênî de qiseykerdişî ameyî kerdene.
Paytextê Îngilîstanî London de Fermandara Eyaletê Amedî Axîne Mûş (Hulya Demîrer) bi merasîmêkî ameye yadkerdene ke a 1995 de Îngilîstanî ra tewra gerîlayan bibî û 17ê êlule de hêrişê dewleta tirke de şehîd bibî. Bi seyan kesî û keyeyê Axîne Mûş tewrê merasîmî bîyî. Merasîm de findî ameyî tavistene û derheqê Axîne Mûş de sînevîzyonêk ame mojnayene. Qiseykerdişan de ame parekerdene ke Axîne Mûş cinîyêka fedakar û serkêşe bîye û cinîyê kurdî tim do rêçê Axîne Mûş de şorê.
