Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.
HPGyî vat: “Çalakîyê Gerîlayanê Azadîye yê Kurdîstanî bêmabên dewam kenê. Her roje vera îşxalkeran bi desan çalakîyî yenê kerdene û xeylêk îşxalkerî yenê cezakerdena la artêşa tirke merdeyanê xo nimnena. Vakurê Kurdîstanî de hêzanê ma bi çalakîya bikoordîne zûrê medyaya şerê taybetî yê tirkî betal kerdî. Serhed de hîrê hetan ra çalakîye ameye kerdene, artêşa tirke ya îşxalkere merdeyê xo nimitî. Çalakîyanê Vakurê Kurdîstanî û Herêmanê Pawitişî yê Medya de 10 îşxalkerî ameyî cezakerdene û îşxalkerêk birîndar bi. Reyna 1 trafo û 1 kameraya mobese ameyî îmhakerdene. 1 wesayîto zirxin bi tîpê Kirpî û 6 mewzîyî ameyî derbkerdene. Artêşa tirka ke çalakîyanê bitesîran ê hêzanê ma de derbeyê girdi girewtî mewzîyê xoverdayîşî bi teqaberanê qedexeyan dayî bombayan ver û sûcê şerî kerd.”
Eşkerayîye de nê ameyî parekerdene:
“Herêma Serhedî;
14ê teşrîna verêne de herêma Serhedî de vera îşxalkeran çalakîya bikoordîne ameye kerdene. Saetanê serê sibayî de wesayîtê bi tîpê Kîrpî ke qeraqolê Sarixroyî ra ver bi kuleyan şiyênî bi taktîkê sabotajî ame pirodayene û derbkerdene. Bi hewayêke hemwextî îşxalkerî hîrê hetan ra ameyî pirodayene. Îşxalkerê ke semedê mudaxaleyî ameyî ê zî ameyî pirodayene, 4 îşxalkerî ameyî cezakerdene. Kule de zî îşxalkerî bi taktîkê suîkastî ameyî pirodayene, îşxalkerêk ame cezakerdene. Çalakîye de bi temamî 5 îşxalkerî ameyî cezakerdene. Reyna 1 trafo û 1 kameraya mobese ameyî îmhakerdene. 1 wesayîto zirxin bi tîpê Kirpî û ame derbkerdene.
Herêma Zapî;
15ê teşrîna verêne de Warê Xoverdayîşî yê Girê Cûdîyî de hetê hêzanê ma yê YJA Starî ra 4 çalakîyî ameyî kerdene, 3 mewzîyî ameyî derbkerdene. Eynî roje eynî warî de îşxalkerî bi taktîkê suîkastî bi hewayêkê hemwextî ameyî pirodayene, îşxalkerêk ame cezakerdene û îşxalkerêk birîndar bi. 14 û 15ê teşrîna verêne de Warê Xoverdayîşî yê Girê Amediyê de îşxalkerî bi çekanê giranan û otomatîkan û taktîkê suîkastî ameyî pirodayene. Nê çalakîyan de 4 îşxalkerî ameyî cezakerdene, mewzîyêke ameye derbkerdene.
Herêma Metîna;
15ê teşrîna verêne de Warê Xoverdayîşî yê Girê Ortê de îşxalkerî bi çekanê giranan ameyî pirodayene, di mewzîyî ameyî derbkerdene.
Hêrişê bi çekanê qedexeyan;
15ê teşrîna verêne de mewzîyê xoverdayîşî yê Warê Xoverdayîşî yê Girê Ortê 38 rey bi teqaberan dîyayî bombayan ver. Înan ra hîrê heban duyo sipî vet, 8 heb zî bi teqaberanê qedexeyan têqayîşê gird bî. Eynî roje Warê Xoverdayîşî yê Girê Çarçelî de mewzîyê xoverdayîşî 4 rey bi droneyanê teqaber barkerdeyan û 2 rey zî bi teqaberanê qedexeyan dîyayî bombayan ver. Herêmê Xoverdayîşî yê Girê Cûdî û Girê Amediyê yê Zapî zî 5 rey bi droneyanê teqaber barkerdeyan dîyayî bombayan ver.
Bombarduman;
15ê teşrîna ver de herême Zap û Metîn abi helîkopteranê hêrişî û topan dîyayî bombayan ver.” BEHDÎNAN
