Dadîya Zekîye Alkana ke 33 serrî verî Newroze Amed de bedenê xo dabi adirî ver Îsmet Alkana ke netîceyê krîzê zerrî de şîye heqîya xo Goristana Narlidereye de ameye oxirkerdiş. Zekîye Alkan Newroza 1990 de Sûranê Amedî de bedenê xo dabî adirî ver û şehîd bibî. Dadîya Zekîye Alkane, Îsmet Alkane roja yekşeme Nêweşxaneyê Unîversîteya Dokuz Eylulî yê Îzmîrî de dinyaya xo bedilnaye. Dimayê merasîmê cenazeye yê Cemxaneyê Narlidereyî Îsmete Goristanê Narlidere de bi vilikan ameye axirkerdiş. Keyeyê Îsmete, aktivîstê Têgêrayîşê Cinîyê Azade (TJA), Însiyatîfê Dadîyê Aştîye, Partîya Seyyewbînan û Demokrasîye ya Şaran (HEDEP), rêxistinê komelkî û sîvîl û xeylê hemwelatijî tewrê merasîmê cenazeye bîyî.
Dimayê merasîmê oxisrkerdişî cemxane de werd ame dayîş û şîn ame ronayîş. Do şîn heta roja hîrişeme ê merasîmê cenazeye keyeyê Îsmete yê Guzelbahçeyî de dewam bikero. ÎZMÎR
