Karayilanî mesajê xo de wina vat:

”Ez şarê Kampa Mexmûrî yê ercîyayeyî selam kena. Dişmen seba ke tewirê şar, ciwan û cinîyanê Mexmûrî ra terseno tim hêrişê ci keno. Çend serrî yo şarê Mexmûrî yew tewirî temsîl keno û zehmetîyê pîlî dîyê. Dişmen nê tewirê şima ra terseno. Bêguman no tewirêko ercîyaye, rûmetên û bişeref o.

Ez wazena şima de pare bikera ke ma sey HPGyî bire daye ke hêzanê xo uca ra apey biancê. Şima zanenê ke wextêk verî ma qismêkê hêzanê xo apey antbi. Nika embazê ma yê bînî zî apey antî. Bêguman çewî ma ra çîyo winayên nêwaşt. Ma sey îdareyê têgêrayîşî birêka winayêne daye.

Neteweyanê Yewbîyayeyan (NY) Kampa Mexmûrî sey kampa multecîyanê sîyasîyan pênase kerde. La çira NY nêşino uca? Çunke NY îdîa keno ke kampe kampêka leşkerî ra. O çax ma persenê ke eke gerîlayan û şarê Mexmûrî vera DAIŞî têkoşîn nêkerdêne gelo cayê bi nameyê Mexmûr û Hewlêrî bimendêne? Eke gerîlayî nêameyêne NY Iraq de do nêmendêne. Gerîlayan seba Şingal, Mexmûr, Kerkûk û Dihokî têgêrayî û înan Mexmûr, Kerkûk û Hewlêw pawitî. Gerîlayanê azadîye yê Kurdîstanî uca de rolê xo qedîna û hînî ma pawitişê Mexmûrî emanetê ciwananê Mexmûrî kenê. Kampa Mexmûrî kampa multecîyanê sîyasîyan a. Ganî her ca de no bêro pawitene. Wa çew seba hedefkerdişê kampe bahaneyêke nêvirazo. Uca kampêka sîyasî ya.

Şima sey şarê Mexmûrî bingeyê fikrê demokrasîya radîkale de cuyêke awan kenê. Ganî şima na raştîye bimojnê. Yew sîstemê şima est o la ganî şima nê sîstemî de hîna zaf felsefe û fikranê Rayber Apoyyî bimojnê. Yanî ganî her çi demokratîk û bi weçînayîşan bibê. Ganî şima a herême de bimojnê her kesî ke ganî demokrasî senî biba. Ewro Iraq û Başûr de ganî şima Mexmûrî sey nimûne bimojnê. Ma pê bawer ê ke şima ney de ser bikewê.

Eşkera yo ke şima do xeta Rayber Apoyî û şehîdan de ser bikewê. Bi na hêvî û bawerî nameyê îdareyê partîye ser o ez şima pêroyînan bi heskerdiş û hûrmetî selam kena, şima rê serkewtiş wazena.” BEHDÎNAN