Merkezê Îrtîbatî û Çapemenîye yê HPGyî nasnameyê hîrê şehîdanê Herêmanê Pawitişî yê Medya eşkera kerdî. Eşkerayîye wina ya:
”Herêmanê Pawitişî yê Medya de têkoşînêko fedayî yeno kerdene, derbî dîyenê artêşa îşxalkere ro û destanî nusîyenê. Gerîlayî bedelanê giranan zî bidê rayîr nêdanê îşxalkeran. Bêguman şehîdê ma hêz danê nê xoverdayîşî. Têkoşînê ma serkêşîya înan de ewro mewzîyanê xoverdayîşî de, xeta fedayîtîye de dewam keno û derbanê tewr giranan dano îşxalkeran ro.
24ê tebaxa 2023yî de Herêmanê Pawitişî yê Medya de, hêrişê dişmenî de embazê ma Rozerîne, Têkoşîne û Harun şehîd bîyî. Hîrê embazê ma zî bi têkoşînê xo tarîxê ma yê têkoşînî de cabîyî û tewrê karwanê şehîdan bîyî. Nê embazanê ma her hela xo seba pîlkerdişê têkoşînî û caardişê xeyalê azadîye yê şarê ma bi fedakarîye xerc kerde.
Ma şexsê embazanê ma Rozerîne, Têkoşîne û Harun de soz danê pêro şehîdanê xo ke vîrameyîşê înan Kurdîstanê azadî de bipawê. Ma sere de keyeyanê hîrê embazanê ma yê ercîyayeyan rê, pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Rozerîne Şemzînan
Name û Peyname: Sarya Atîlla Cayê Bîyayîşî: Colemêrg Maye-Pî: Gila – Reşit Tarîx û Cayê Şehadetî: 24ê Tebaxa 2023yî / Herêmê Pawitişî yê Medya |
 |
Nameyê Qodî: Tekoşîne Cîzre
Name û Peyname: Ayşe Arslan Cayê Bîyayîşî: Sêrt Maye-Pî: Emîne – Nezîr Tarîx û Cayê Şehadetî: 24ê Tebaxa 2023yî / Herêmê Pawitişî yê Medya |
 |
Nameyê Qodî: Harun Egîd
Name û Peyname: Mehmet Akin Cayê Bîyayîşî: Mêrdîn Maye-Pî: Fatma – Huseyîn Tarîx û Cayê Şehadetî: 24ê Tebaxa 2023yî / Herêmê Pawitişî yê Medya |
Embaze Rozerîne dewa Gara ya Şemzînanî de dadîya xo ra bena. Embaze Rozerîne hêverî xebatanê legalan de, xebatanê sîyasîyan de cagêna la dima bi qerardarî 15ê tebaxa 2007î de tewra gerîlayan bena. a Xakurkê de dest pê gerîlatîye kena û cade xo aver bena. Embaze Rozerîne Xakurkê, Xinêre û Zap de qasê 8 serran gerîlatîye kena. A 2015 de Şingal de vera DaÎŞî şer kena û 2018 de sey fermandarêke agêrena koyan. Embaze Rozerîne pê qehremanî û fedayîtîya xo tim embazanê xo rê bena nimûne û tunelanê şerî de serkêşîya têkoşînî kena.
Embaze Têkoşîne qezaya Dihê ya Sêrtî de dadîya xo ra bena. A wexto ke 8 serre bîya bena şahîda Hemleya 15ê Tebaxe ya Dihê. Embaze Têkoşîn 1994 de wexto ke ver bi refanê gerîlayan şîyêne Çewlîg de kewena destê dişmenî û 10 serran zîndan de manena. 2004 de zîndanî ra vejîyena û tewra xebatanê rêxistinîye bena. Embaze Têkoşîne 2014 de Xoverdayîşê Kobanê de cagêna, dima 2017 de tewra gerîlayan bena. Embaze Têkoşîne sey gerîlayêka YJA-Starî tim serkêşîya xebatan kena û vera hêrişanê dişmenî cepheyê tewr vernî de xo ver dana.
Embaz Harun Nisêbîn de dadîya xo ra beno. Embaz Harun hêverî xebatanê ciwanan de cagêno û dima zî 2013 de tewrê gerîlayan beno. O Avaşîn de gerîlatîye pratîze keno. Embaz Harun tim pê perwerdeyan xo aver beno. Embaz Harun dima derbazê Xakurkê beno û tîya de pêro erk û mesuldarîyanê xo bêkêmasî ano ca. 2019 de o warê Goşînê de tunelanê şerî de têkoşîn keno. Embaz Harun hema hema pêro waranê Herêmanê Pawitişî yê Medya de şer keno û beno fedayîyê şarê xo.” BEHDÎNAN
