Polîsan serê sibayî eştbî bînaya HDPyî ya Cizîre ser û Endamê HEDEPî Umut Hakkolu destbend kerdbi.
Verê bîna de sereştişê polîsan ame protestokerdene. Wekîlê HEDEPî Newroz Uysal Arslan û Mehmet Zekî Îrmez, endamê Meclîsê Mayanê Haştîye, aktîvîstê TJA û xeylêk kesî tewrê çalakîya eşkerayîye bîyî.
Polîsan waşt ke eşkerayîye asteng bikerê la girseyî bi çepikan polîsî şermezar kerdî. Dima Hemserekê HDPyî yê Şirnexî Abdullah Gungenî eşkerayîye wende. Gungenî vat: ”3 reyî yo polîsan eşto bînaya ma ser. Ma nê nêzdîbîyayîşî şermezar kenê. Ma do azadîye û têdûştîye ra qetî apey gamêke nêerzê. Ma venga şarê xo danê ke wa wayîrê partîya xo vejîyo.”
Wekîle Newroze Uysal zî îfade kerd ke îqtîdarê AKP-MHPyî bi nê hawayî xebatê weçînayîşî dayê destpêkerdene. Uysale vat: ”Şarê Cizîre qetî vera zulmê winayênî sereyê xo nêaro war. Şima nêeşkenê ma bitersnê. Têkoşînê ma do dewam bikero.”
Çalakîye bi sloganan qedîyaye. ŞIRNEX
